Dal 2000, ogne an de firé i volontères de ‘Banco Farmaceutico’ i va fora per la speziaries che tol pèrt a la scomenzadiva per envièr la jent a donèr vèlch medejina per la sociazions assistenzièles del teritorie; vegn tout su duta la categories de prodoc che vegn venù al banco. Chest an la regoeta del ‘Banco Farmaceutico’ la é stata metuda a jir dai 6 ai 12 de firé e te Fascia la speziaries che à aderì l é stat la Farmacia Rigoni a Moena e la Farmacia Vinante a Poza.
La spezièla Cristina Vinante ne à dit che con sia speziaria i tol pèrt a chesta scomenzadiva da n muion de egn. Te boteiga vegn metù fora i placac, n contegnidor per la medejines e na dì de la setemèna dedichèda a la regoeta rua doi volontères che ge spiega ai clienc che che l é l Banco Farmaceutich, si obietives e colugn medicamenc che se pel donèr. Chi che azeta de comprèr vèlch medejina per ge la lascèr al Banco Farmaceutich l é soraldut la jent del post.
De più su La Usc stampèda de en vender ai 16 de firé.
(Monica Cigolla)
