La Usc di Ladins

L Alzheimer l é la malatia de chest temp, l numer de persones che padesc de chest é do a se smaorèr a na vida spropojitèda, no demò percheche cresc l’età de la popolazion, ma ence percheche si segnes scomenza a se fèr sentir ence anter la jent manco de età. E amò apede l é ence de autra formes de chel che ge vegn dit »decadiment cognitif«, donca l cef che pian pian, col jir inant, l stenta a didèr.

I Servijes sozièi del Comun General de Fascia, che adum con de autra istituzions se dèsc ju trop per meter a jir intervenc a sostegn de chesta pèrt de la popolazion, à endrezà te chest meis de setember, dedicà apontin al Alzheimer, doi scomenzadives a Poza, tel chèder del Pian Trienal per l svilup de na Comunanza amica de la persones con demenza, che vegn portà inant dal CGF en colaborazion con la Comunità teritoriala de Fiem, l Comun de Sèn Jan, l’Azienda Provinzièla per i Servijes Sanitères, la Sociazion Rencureme e la Coprativa sozièla Le Rais.

En mercol ai 18 de setember sa Meida, sunsom la Promenada enlongia ruf de Sèn Nicolò (Strada Sas da le doudesc) l é stat inaugurà na bela esposizion de retrac dal titol »Quotidiani Paralleli«.

Podede lejer dut l articol su La Usc stampèda de en vender ai 27 de setember.  (Lucia Gross)