La Usc di Ladins

L é stat n bon an l 2024 per la Cassa Schlern Rosengarten, che te Fascia l’à podù se emprevaler de la neva senta enlongia stradon a Sèn Jan. I dac del bilanz, che vegnarà porté en aproazion te la radunanza di sozi jun Busan ai 9 de mé, i moscia n cont economich presciapech medemo a chel del an dant, ma i é ge é jà stac prejenté ai sozi fascegn en vender ai 11 de oril.

Desche semper ti ultimes egn, la Raiffeisen à volù endrezèr n moment te val per palesèr l’atenzion per l teritorie. La pre-radunanza metuda a jir ló dal Hotel Gran Baita, visavì la senta fascèna de la Cassa, é stata averta per chest con n salut per fascian da man del president Leonard Resch, che l à ence recordà che l 2025 l é l an internazionèl de la Copratives, sotrissan che te Fascia l sistem de la cooperazion l é n muie percacent.

L é stat dapò l vizediretor Michael Santa a portèr dant l bilanz, col stato patrimonial e l cont economich che moscia n utol de ejercizie pech sora i 8 milions de euro.

Se pel lejer dut su La Usc nr 15 dai 18 de oril: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.


 (LG)