La Usc di Ladins

Sce an chir n ejëmpl original de co che an pó se dé jö cun la sostenibilité y le respet por la natöra, n’án ciafé un te scora elementara d’Al Plan, che á traté chësta tematica cun n musical te cater lingac, metü en pe cun döta la scora. La colma dl proiet án arjunt ai 15 y 16 d’aurí, cun les trëi rapresentaziuns te salf dles manifestaziuns d’Al Plan. Che le proiet é garaté, n’é nia ma gnü desmostré dal salf toch y plëgn de jënt, mo ince dales tröpes espresciuns contëntes y ince brauies de geniturs, parënc y amisc, che s’ará sigü ince fat demorvëia da odëi i talënc tan desvalis che "sü mëndri" á porté sön paladina. Da rové tan inant él indere sté na desfida organisativa y logistica, portada a bun fin cun la competënza dla pedagoga de teater Barbara Rottensteiner, la organisaziun y coordinaziun dla maestra Marina Holzknecht, le gran sostëgn de döt le corp insegnant y sambëgn la costanza y l’impëgn di passa 100 scolars y scolares che frecuentëia la elementara en chësc ann.

Deplü sön le musical podëise gní lassura y odëi t’La Usc di Ladins di 2 de ma. Chiló ves pitunse n iade zacotan de impresciuns fotografiches.  (pablo)