La Usc di Ladins

L Comun da Fodom e le firme »Tonet«, »Fontana« e »Sap« i é stade zitade n giudìze da la »Società Elettrica Cordevole srl« de Cianacei, parona de la zentral sul Cordoul ntra Molinat de Retic e Plán de Salejei a refonde i dagn a le tubazion e la linea de la fibra otica che fossa sté fat n ocajion dei laour de siste­mazion de la strada de Fondovalle davò la tempesta Vaia. Dut peia via, come dit, davò la gran aluvion de la fin de otobre del 2018, cánche i agajons del Cordoul e del Ru Daghé che se buta ntel prum proprio dinon­gia la zentral da la corente de pro­prieté de la Sec srl, i s’ava porté via n gran toch de strada ulache, sot ite, passëva ence le tubazion e la linea de la fibra otica che peia via da le opere de preja envalgugn chilo­metri plù nsù, dinongia la frazion de Valacia Daìte. (LS)

De plu tla edizion stampeda de La Usc di Ladins o sun l e-paper a paiament www.lausc.it/e-paper