La Usc di Ladins

Bondì Andreas e congratulazion per l travert che t’as arjont. Ncan e percié asto pensé de jì nte la Crousc Bláncia?
L eva da d’autonn del 1981 e l é sté n pensier plutost spontan. Me recode che scior Angelo Complojer, nlouta curat de Corvera e volontar de la Crousc Bláncia, l eva vignù a La Val e l ava slargé fora la ousc che la sezion de Corvera cheriva personal: spo è pensé »chëst podëssa fè per mi«. E coscita è scomencé a Corvera, che nlouta l’eva la sola sezion de duta la Val Badia: nveze dut Mareo l eva curì da Bornech!

Ne conteto n curt Tuo percors profescional de chisc ultimi 43 agn?
Son sté tout su da la Crousc Bláncia, coche dependent, bele delongo, ntel 1981, fin al 1991, cánche i m’à fat sourastánt de servisc (capo­servizio) de Corvera. Davò catordesc agn, ntel 2005, è ciapé la nciaria de sourastánt de la sezion de Bornech. A Bornech son sté cater agn, e ntel 2009 son deventé caposervizio Al Plán de Mareo fin ntel 2012. Ntel 2012 la Crousc Bláncia de Bolsán à dezedù de dé suo suport a la co­munité da Fodom e me sté damané de daidé a mbastì su chësta nuova sezion: chësta l é sté per mi na beli­scima ndesfida. Plutost mpegnatif l é sté, dal 2019 al 2022, cánche con Fodom eve la responsciabilité ence de la sezion de Ampëz. E nultima, no pos l desmentié, nte chisc caránta­trei agn, son tres sté ence volontar, spo, pro le ore da dipendent, è tres fat ence volontariat nte deplu sezion. (Ntervista de Denni Dorigo)