La Usc di Ladins

L proiet dl'ert te stala, StallART, ie n proiet che fova nasciù per sotrissé la mpurtanza dl'ert y dl mpat che la à te nosta sozietà. Christian Stl Holzknecht y Armin Rifesser Grunt ti à dat vita a chësta scumenciadiva dan cin' ani. Tl zënter iel dantaldut l'ert figurativa y plastica: i lëures di doi artisć che ie metui ora tla sales desfrëntes. Coche ciarieja sun la tëurta vëniel danter ite y danter ora urganisà manifestazions cultureles tl luech da paur de Pecëi. De ndut fòvel trëi manifestazions, deberieda cun chësta, nia truepes, de gauja fova la pandemia. "On fat la giaurida, na mostra n cunlaurazion cun l'Unika y śën chësc teater - l ne n'ie nia scialdi, ma l'idea ie chëla de mëter a jì velch uni ann d'instà", nscila Stl.
L teater à purtà adalerch truepa jënt, n rejona de belau 100 persones che fova te Tublà n chëla sëira. La sala dl Tublà ie nueva, tl partimënt de sëura, l aperitif dan la manifestazion àn fat tla sales basite.

Julia Lardschneider

L articul tla edizion nueva de ncuei vënderdi ai 26 de lugio de La Usc di Ladins.