La Usc di Ladins

Plu dessegur puderà i zitadins lité i cunsëies de chemun y i ambolc nueves ai 4 de mei 2025. Sce chësta data resta nscila coche ududa dant dala region, pona messerà i partic dé ju la listes di candidac nchin ai 18 de merz. Chël uel dì che l mancia mé mez n ann, sies mënsc, per crì zitadines y zitadins che se metëssa a despusizion per n partit o na lista. Ti ani passei à trueps perdù la ueia de se dé ju cun la politica, la gaujes ie desfrëntes, ma la persona che fej politica ne ie suvënz nia ududa de bon uedl. Te nosc luesc ne ie povester nia la politica la cossa plu mpurtanta, ma l lëur che n fej di per di,l carisma de n candidat, si ideies y minonghes.

La chertes vën mescededes da nuef
Al mumënt ons a Urtijëi cater partic o frazions. Te jonta udons la Lista Unica (L.U.) cun l ambolt Tobia Moroder y Stefan Kasslatter dla Lega per Salvini Premier. Tl'oposizion udons la SVP cun Lara Moroder che se ova candidà da ambolta y Ewald Moroder, ex ambolt, che fova sun la lista Widmann pra la veles provinzieles y che ova per chësta rejon messù zapé ora dla SVP.
Sies mënsc dan che la listes di candidac muessa unì dates ju, ons ulù audì coche ie la situazion.

SPM

La ntervistes cun cater dumandes sëces sun argumënc atuei iel da liejer tla edizion atuela de La Usc di Ladins.