La Usc di Ladins

Sot ala cuordinazion dla prufessurëssa Irina Thaler à i:la 33 sculeies:ées dla terza tlasses dla Scola d'Ert de Uritjëi realisà na edizion speziela dla zaita "zebra". N à laurà deberieda cun la redazion de chësta zaita de streda dl Sudtirol, na zaita cun n fin soziel che à da mpermò festejà si diesc ani.

"Nosta zaita vën venduda sun streda da persones cun deficulteies economiches o zënza cësa, che possa nscila se davanië velch leprò per sëuraviver", à spiega la redadëura dla zaita Samia Kaffouff. Dal 2016 incà vëniel uni ann fat una na edizion deberieda cun na scola. Chëst ann cun la Scola d'Ert Urtijëi. 

N giapa da cumpré la zaita dai marcadënc sun streda ntan l mëns de mei. 

Elisabeth Kostner