La Usc di Ladins

N film de chël ch’an á aldí baian plü gonot ultimamënter, n film che vá a cör, pro chël che al é feter imposcibl da ne se lascé nia sciampé val’ legherma. Ara se trata dl film "Il ragazzo dai pantaloni rosa", gnü fora tl 2024, che cunta la storia davëi sozedüda de n jonn vitima de mobbing y cybermobbing. Chësc jonn á inom Andrea, möt sensibl y dal cör d’or, che röia te situaziuns intravaiades y daldötnenia plajores: tres dificoltés cun i compagns de scora, na situaziun familiara nia saurida y so ester atramënter se sëntel tres plü su y stlüt fora, cina ch’al tol la dezijiun da se tó la vita. 
Pian ia dal film instës, a chël che döta la scora ti á ciaré adöm te Salf di Stödafüch, él gnü organisé n proiet por traté la tematica dl mobbing; chësta é na tematica tres indô atuala, zitia y nia saurida da gestí tles scores y pro mituns y adolescënc. 

Deplü sön chësc proiet y sön ci che al é gnü fat, nes cunta les organisadësses Sofia Castlunger y Elena Frenademetz, t’La Usc di Ladins di 2 de ma