La Usc di Ladins

Al é na bela tradiziun, chëra da lascé benedí les munts olache i tiers stá döt isté a pastöra. Al é n sëgn che an surandá famëis, armënc, laur y tëmp tles mans de Chël Bel Dî, cun la crëta che düc pois da d’altonn indô gní jö a val sagns intun. En sabeda ai 31 de messé él ince gnü tigní la benedisciun dla munt de Senes, olache an á podü saludé n ghest dër particolar, le cardinal todësch en ponsiun Walter Kasper, che á albü inciaries papales importantes.

Deplü sön chësc de particolar organisé deboriada cun le ploan d’Al Plan, i verdabosc y le maurigo dla munt de Senes podëise lí t’La Usc di Ladins di 13 d’agost  (pablo)