La Usc di Ladins

"L’agricoltöra da munt se damana che al vëgnes mené i tiers sön pastöra y le fëgn pó ma gní adoré tres i armënc". Chësc é un di pinsiers zentrai che á acompagné la reuniun raionala di paurs dla Val Badia stada en chësc ann a La Val. Dailó s’á i referënc pronunzié tler por le zidlamënt de tiers ti raiuns da munt. N zidlamënt olache i paurs se para "da idees y ideologies sön la sostenibilité, olache i armënc vëgn metüs al zënter sciöche gauja dla crisa climatica. Le tema é porchël da afronté cun seriosité", á dit le diretur dla Lia di Paurs Siegfried Rinner. Y tla sentada él gnü depënt n cheder scür de chësc vers, sciöche an lî da n comunicat: "Nosc fëgn pó ma gní anuzé dal bestiam! Sce chël s’un é, spo s’un é ince nosta agricoltöra, le raiun rural perd süa jënt y la contrada por chëra che tan tröc nes invidiëia, perd ince l’atrativité por le turism. Les porsones che ó chësc – y al n’é deplü co ci che i minun – é da combate. Ara ne nen vá nia ma de sconanza dl ambiënt, al é ince na oblianza soziala y economica y ala fin nen vára ince dla segurëza alimentara, á sotrissé i referënc."

Deplü sön la reuniun di paurs, ciafëise t’La Usc di Ladins di 14 de jügn