La Usc di Ladins

Aladô dla tradiziun, s’á en Santa Maria dal Ciüf (ai 15 de agost 2024) desfiré la surandada dles medaies y dles crusc al mirit dl Land Tirol. A Desproch tl gran salf dla Hofburg á i dui presidënc dl Tirol, Anton Mattle por le nord y Arno Kompat­ scher por le süd, surandé deboriada les medaies y les crusc jüdes a jënt, che cun dediziun y sacrifize á dé le so y deplü ciamó, por la comunité.

Danfora ala premiaziun é jüda ciamó la funziun tradizionala cun deposiziun dla gherlanda sön fossa de Andreas Hofer tla Hofkirche, por jí inant fora por le danmisdé cun la surandada dles medaies al mirit ince por le salvataje de vites umanes. Danter i 30 premiá á ince dui Ladins dla Val Badia podü pié do l’onoranza: Rita Lerchegger por sü sorvisc tl ciamp dla scora y tl setur dla dlijia, y Herbert Pezzedi por i miric de so gran sorvisc pro i Stodafüch da Corvara.


Deplü podëise lí tla ediziun da incö, vëndres 23 d'agost!