La Usc di Ladins

Cun le mëteman dles vacanzes da d’isté de jügn 2024 á les mitans y i mituns dla scora elementara de La Ila dit adio al frabicat atempé, che á ospité scolares y scolars por passa 60 agn. Por döt l’ann scolastich 2024/2025 ne metará i jonins nia plü pe tla strotöra, sëgn deventada cantier por laurs de ressanamënt. Le proiet de ressanamënt por le frabicat tradizional dla scora á preodü laurs che ne pormët nia de romagne inant tla strotöra tratan i mëisc de cantier. Te chësta situaziun á le Comun da Badia danü messü ponsé a alternatives por le spostamënt dl’ativité didatica por i mëisc de scora, ciafan spo la soluziun, chëra da lascé arsí i jonins por la dorada di laurs te containers, condüc alerch y metüs sö dlungia le comples dl zënter scolastich a La Ila.


Deplü tla ediziun nöia, vëndres 23 d'agost!