La Usc di Ladins

Chësc ann á "Alparc", la rëi de raiuns sot a sconanza tles Alpes, organisé por le diejim iade la iniziativa "Youth at the Top" (jonëza sön munt), a chëra che bëgn 29 parcs naturai, parcs nazionai y d’atres sperses sot a sconanza á tut pert. Ai 18 y 19 de messé é jogn y jones dla Francia, Germania, Talia, Slovenia, Austria, Svizera, mo ince Romania y Slovachia ti Carpac, jüs sön munt, por se dé jö cun i ciüfs da munt y i insec che i impolinëia. Vigni ann vëgn chësta manifestaziun metüda sot a n ater moto.
Ince te Südtirol á chësta iniziativa bele tradiziun: Adöm al "Alpenverein" y al CAI organisëia l’Ofize Natöra chisc dui dis de educaziun ambientala, a rotaziun ti Parcs naturai. Chësc ann i tocâra al Parch natural Fanes–Senes–Braies da mëte impé la jita. Dal momënt che ara nen jô de ciüfs da munt, passenâl dër da pié ia a La Val, le paisc di pra.

Deplü sön la iniziativa, nes cunta Matteo Rubatscher dla Ciasa dl Parch, tla ediziun di 30 de agost