La Usc di Ladins

La idea da cherié n liber por dessëgns y dediches di compagns de classa o de scolina á Martina Vallazza albü bele dan da 3 agn, canche süa möta é piada ia a scolina. Bindicé ciafâra n liber dl’amizizia, mo tres por todësch o talian. Insciö s’á chësta mama jona de trëi mituns tosc dé jö cun n’idea creativa: n liber dl’amizizia por ladin, che butass sides por mitans che por mituns, abelí da dessëgns da orëi bun. Le conzet de Martina Vallazza á albü n gran suzes y do trëi agn tocâra da ponsé a na re–ediziun, che l’artista á lauré fora danü, cun motifs y corusc di cuertli nüs. Le liber é deventé ince n pü’ plü gros cun l’injunta de plü plates, por ti dé ciamó plü lerch ales operes de compagnes, compagns o ince familiars.
Le liber dl’amizizia 2024 ciafon da cumpré al prisc de 12,00€ tl Istitut Ladin Micurá de Rü, tles botëghes Mascotte d’Al Plan, Malbo a Pidrô y da Mario a Corvara.