La Usc di Ladins

Dan da n ann, ê le famëi de fraziun de Pöz Andreas Pescollderungg gnü de munt cun les bisces n mëis dan l’usanza a gaujia dl lu. L’ann passé â fat le lu gran dann: compedé êl gnü incër 25 bisces scarzades y tröpes ê jüdes a perde. Por l’isté 2024, a chëstes condiziuns, ne se foss le paur da Badia nia plü pité da fá le famëi te Pöz, detlarâ Andreas Pescollderungg dan da n ann tla intervista cun le foliet La Usc di Ladins.

Tl’ultima edema á le foliet baié cun le famëi de fraziun por chësc isté Daniel Paratscha, che s’á passé ia i ultims mëisc te Pöz cun les bisces vardades „a tlap“. „Ara é jüda dër bun! Ince sce la presënza dl lu n’á nia mancé, rovará indô dötes les bisces zoruch a fin de setëmber o ince a mez otober, sce le tëmp le pormët“, á dit Daniel Paratscha, famëi de profesciun, che á passé ince plü agn sciöche famëi jö por le Venet y tla val d'Adesc.

Liede inant tla ediziun nöia da incö, vëndres ai 27 de setëmber!