La Usc di Ladins

Te nosta provinzia y ince te nosta valada él n gröm de sorvisc – soziai, sanitars, formatifs y aministratifs – che é chiló por ti sté dlungia o ti pité val’ sort de acompagnamënt ai zitadins. Valgügn é plü conesciüs, deache ai é chiló tla vita da vignidé; d’atri ne sán forsc gnanca che ai é, deache an n’á nia diretamënter da fá impara. Por informé de chësc vers, á le Comité de Raiun Val Badia metü a jí en sabeda dan otedé na fiera di sorvisc, propi por ti dé la poscibilité ala jënt da gní n iade lassura tanc che al n’é y por ci che an pó döt damané do aiüt.
Tl salf dles manifestaziuns da San Martin êl i stonc de bëgn 39 sorvisc a nüsc zitadins, che s’á presenté y ti á pité ala jënt la pröma informaziun. Al é sté Giorgio Costabiei, ombolt da San Martin y presidënt dl Comité de Raiun, che á daurí ofizialmënter la manifestaziun, a chëra che al é ince rové alerch l’assessuria provinziala al sozial, familia y seniors Rosmarie Pamer.

Deplü podëise lí t’La Usc di Ladins di 18 d’otober  (pablo)