La Usc di Ladins

I savon apresciapuech tant de verdes dl corp che Hitler à tres abù entourn via. Plu mel che la vera jiva y plu verdes dla SS che cialava soura de Hitler: verdes dl corp y verdes che controlava les autres verdes, l personal sun l post che fova plu dlongia a Hitler. La funzion de chestes verdes fova: mete al segur la vita de Hitler, defora da siei cuartiers y dant sia canzelaria, defront a desturbs y agrescions. Dl personal de Hitler fajova ence pert cheles persones che ava da fé con l mangé che ti vegniva porté su a Hitler. An sa che al ava n magon delicat y sensibel y perchel ti messòvel vegnì cujiné valch de extra, cie che ti fajova ben a sie magon melsan. Hitler messova sté a dieta y perchel àvel na cuega aposta a ti enjigné speisa dietetica che sconassa l magon; chesta cuega messova ester na dietologa, spezialiseda en cujina dietetica. Hitler tegnova sun chela jent che fova de valuta per l »Großdeutsches Reich«, ma demé chi de raza ariana vegniva azetés. Na bona doseina messova cercé l ceif denant che al vegnissa porté sun meisa de Hitler; al fova dret desfident y se temova de vegnì entossié, al ava pora de atentac, che ne à nia mancé ma degun é jù a termen. 

Liejede inant de plu tla edizion atuala de La Usc di Ladins!