La Usc di Ladins

18 interessënc á mené ite por le Pest n so proiet, ala fin á davagné la firma Konverto Spa cun le proiet "Moving together towards a sustainable future". Chësc proiet mëna do la mobilité sostenibla, danter l’ater pó i colaboradus dla firma lauré por trëi dis al’edema da ciasa. Lapró sostëgn Konverto l’anuzada dla roda y mët a desposiziun posć da lascé la roda al sigü y ince locai da se mudé y fá la duscia. Le secundo post é gnü davagné dala Crusc Cöcena da Balsan (2.000,00 euro) cun le proiet de n ambulatore medich mobil. Le pest spezial de 1.000,00 euro ti é jü al portal "Luudl" che vënn tiers online y nia tres le marcé tradizional.