La Usc di Ladins

L é na neva che ence te Fascia vegnia spetà con enteres. I alberghes desmetui ades podarà vegnir metui a la leta del personal de la strutures en atività. Ence te noscia val l é situazion de hotie che é stac seré e che podessa vegnir duré dai alberghes che no sà olà meter sie personal che vegn da fora e i à de besegn de na cambra. Ades chesta strutures podarà vegnir durèdes desche cambres per l personal dependent di hotie classifiché e en ejercizie col ge jir encontra coscita a n besegn reèl e n muie sentù tel setor turistich. La dezijion é stata touta da la Jonta provinzièla en vender ai 22 de setember su proponeta di assessores a la promozion e turism e a l’edilizia e ambient, ge dajan atuazion a na desposizion de la lege 15 del 2015 che disc che la cambra ai dependenc di hotie pel ge vegnir data no demò te alberch olache i laora ma ence te hotie seré che no fèsc più sia atività. La norma aboncont, per vegnir aplichèda, l’aea de besegn de na linea vida che tolesse su i prinzipies te n chèder interpretatif de referiment, che l é stat fat apontin con la delibera de enstadì.

De più su La Usc stampèda de vender ai 29 de setember.  (MCI)