La Usc di Ladins

L'à inom 'Ciasa de Armonia', l projet envià via giust acà n an da Anffas de Fascia e Fiem col sostegn del Comun General de Fascia, la Sociazion Rencureme, Bambi e l Laboratorie Sozièl. Se trata de na cambra multisensorièla che é stata enjignèda te Oratorie parochial de Moena, de gra al enteressament de la Conseiera de procura al sozièl Mirella Florian, la desponibilità de don Gianni Damolin che à metù a la leta l local e l contribut de la Fondazion Caritro.
Te chest an passà chesta cambra é stata durèda con de gregn benefizies da man de Anffas che à portà aló si utenc per aer mioramenc dal pont de veduda del benstèr.
En lunesc ai 21 de otober la Ciasa de Armonia é stata orida e prejentèda ai operatores de la Cèses de Paussa de Fascia e Fiem percheche la posse vegnir durèda ence dai utenc più de età.

De più su La Usc stampèda de en vender ai 25 de otober.  (Monica Cigolla)