La Usc di Ladins

En vender ai 18 e en sabeda ai 19 de otober, 25 egn dò la pruma edizion, l é stat denef ocajion per esperc e pascioné de vins de cercèr e valutèr i prodoc de n muie de cèvenes te la degustazion più auta del mond ló dal Refuge Maria sun Sas Pordoi, tel Top Wine 2950 che se à oramai vadagnà nonzech internazionèl.
Chest an l temp era mingol mèlsegur, ampò l event à garatà de pien, ence de grazia a la Masterclass endezèda l vender domesdì, canche n bel grop de esperc à podù tor pèrt a la degustazion de vins San Leonardo e Lupicaia di egn selezioné.
L Top Wine se à avert con l bel e bon benvegnù de Sommelier e di Cheghes de Fascia, che à sport na pruma cercia. Dapò sunsom i partezipanc à podù cercèr vins de 19 cèvenes regionèles più una, Castello del Terriccio, de la provinzia de Pisa.

De più su La Usc stampèda de en jebia ai 31 de otober.  (LG)