La Usc di Ladins

En mercui ai 16 d’otober é rová adöm i mëmbri dl Consëi de Comun Badia tl salf dles sentades dla ciasa de Comun. Düc i 10 punc al ordin dl de é gnüs aprová dai mëmbri dl Consëi al’unanimité. Ma un n punt en particolar á descedé discusciuns danter i mëmbri – chël dl proiet nü por la strotöra dla sënta dla Copa dl Monn a La Ila tla localité sportiva.

En previjiun dl ampliamënt dla sënta dla »Alpine Ski World Cup Alta Badia« (ASWCAB), á le Comun de Badia messü aprové na mudaziun al plann urbanistich por conzede l’aumënt dl indesc de cubatöra tla zona dl frabicat atual. L’ampliamënt prevëiga n’alzada ajuntiva, che fejes lerch a n salf por convëgns nü. Sciöche motivaziun por l’ampliamënt dl frabicat, vëgnel dé dant le debojëgn de remodernisé la strotöra, che ne corespogn nia plü ales nezescités dla manifestaziun dla Copa dl Monn de schi alpin y de d’atres manifestaziuns publiches.


Liede deplü tla ediziun nöia de vëndres ai 31 d'otober!