La Usc di Ladins

Demò vèlch menut ge é stat dedicà te la scontrèda endrezèda da l’Autorità per la mendranzes a na costion che te la ultima setemènes à soscedà marevea e ence dubie anter chi che se cruzia de la costions ladines.

Tel document de l’Union di Ladins l é stat domanà che la Jonta provinzièla desmostre maor atenzion te la modalità e ti tempes de renovament di enc che se cruzia del stravardament del ladin, domanan vèlch chiariment sul renovament de la encèries del Istitut Cultural, fates zenza l confront che servissa per i passajes emportanc.

L conseier provinzièl e assessor recionèl a la mendranzes Luca Guglielmi à responet demò che segur da man del President de la Provinzia Maurizio Fugatti no l é stat mencianza de atenzion, ma l é stat problemes per la nomines ti 3 Istituc Culturai che perauter – l à dit – no i revèrda chel de Fascia e per chest se é rué a aer chisc tempes strenc. Canche chest sarà comedà ruarà la nomines definitives, aboncont ades i Consees e i diretores i é stac nominé e i é operatives.

De più su La Usc stampèda de en vender ai 31 de mé.  (Lucia Gross)