Na bela giornèda, freida da doman ma con n bel soreie domesdì, à envià n muie de jent a jir a se goder en sabeda ai 28 de setember l spetacol de la pruma edizion de la Ladinia Cup.
L’idea de na competizion de rampinèda sportiva resservèda ai socoridores de duta la valèdes ladines śirèa da n trat te la Stazion de Socors da Mont Auta Fascia. Chest an l’à troà sia rejon più auta, tel recort de Gino Comelli, che ne à lascià chest meis de messèl e l era stat per n muie de egn capostazion te la Val de Sora, e ence a Alex, Diego, Erwin e Luca, resté sot la levina te la Val Lasties acà 15 egn.
Te la strutura ADEL de Ciampedel, dedichèda apontin a chisc 4 socoridores, l é ruà da la desvaliva valèdes presciapech na trentina de ladins del socors da mont, che da doman i se à dat ju te la selezions.
Domesdì, dedant a n bel publich, Stefan Stuflesser da Gherdena à prejentà la finèles.
De più su La Usc stampèda de en vender ai 4 de otober.
(Lucia Gross)
Socoridores adum tel sport e tel recort
A Ciampedel l é stat endrezà la 1^ edizion de Ladinia Cup, garejèda per socoridores de la valèdes ladines, Memorial Gino Comelli. Martin Dejori da Gherdena l é ruà più en aut, l trofeo a squadres é jit a Fascia.
Galaria retrac
View the embedded image gallery online at:
https://www.lausc.it/atualite/28050-socoridores-adum-tel-sport-e-tel-recort#sigProId9dcb41e256
https://www.lausc.it/atualite/28050-socoridores-adum-tel-sport-e-tel-recort#sigProId9dcb41e256