La Usc di Ladins

L era de marz del 2016 che, tedant a la jent che empienia fit e toch la sala Simonin Maza de le scole de Moena, vegnia prejentà per la pruma outa l projet per l nef impiant portamont Moena-Valbona. Da enlouta l percors l é stat lonch e complicà, no zenza empedimenc soraldut burocratics che à avelì de spes l president Maurizio Sommavilla che col Consei de Aministrazion no l à mai zedù e l é semper stat otimist.

En vender ai 27 de setember l é stat fat n emportant varech inant: l’APAC, l’Agenzia provinziala per i apalc e i contrac, l’à publicà l bando de gara per dar su la projetazion esecutiva, costruzion e gestion del impiant portamont che colearà l zenter de Moena con l raion dai schi de Lujia e Belamont. 

De più su La Usc stampèda de en vender ai 4 de otober.  (Monica Cigolla)