La Usc di Ladins

L é dut dedicà al davegnir de la mont, l ultim numer de ‘Turris Babel’, revista de la Fondazion Architetura del Sudtirol, na publicazion che à beleche 40 egn e tel temp la é doventada semper più rica e struturada, la vegn fora cater oute al an desche revista monografica con na tiratura de zirca 3000 copie e la rua a duc i architec de la provinzia de Busan e ai aboné ence fora provinzia, a le istituzion e referenc de dut l Sudtirol ma ence te biblioteche e zentres de l’architetura de duta la Talia e foravia.

Da zirca 10 egn diretor responsabol de ‘Turris Babel’ l é n architet fascian, Alberto Winterle, che ti egn 2011-2015, per n mandat che à regnanda 4 egn, l é stat president del Orden di architec del Trentin e con sie studie w+w a Trent con Lorenzo Weber, che l é dal Sudtirol, l à tacà a colaborar per ‘Turris Babel’ acà presciapech 20 egn.

Scomenzon donca chesta ciacolada con l architet fascian, per rejonar de architetura e de sie raport col ambient da mont.

Podede lejer duta l'intervista su La Usc stampèda de en vender ai 4 de otober.  (Lucia Gross)