La Usc di Ladins

Ai 26 de setëmber à l Aiut Alpin abù da fé ndut cater ntervënc sa­niteres, te duc i caji ie i pazienc unì menei cun l joler tl spedel de Bulsan. Pra l ultimo ntervënt ne fòvel pur­truep plu nia da nfé, l pazient ie mort.
Ai 27 y ai 28 de setëmber ie l joler unì cherdà per doi ntervënc al di, for ora dla Ladinia.
N dumënia ai 29 de setëmber dala cater domesdì ie n’ëila canadeja tumeda sun l troi che va ntëur al Saslonch y se à fat n gran tai al cë.
Do avëi lascià ju l dutor y l elisucu­ridëur ie l joler cueciun julà tl luech a tò n segondo sucuridëur per judé pea. L’ëila ie unida trata su cun na binda de caranta metri, ajache la fova te na luegia nia saurida da jì permez. La ie unida meneda tl spedel de Bulsan y l uem ie unì acumpanià de reviers dai sucu­ridëures cun l auto.