La Usc di Ladins

Sport
29.09.
FC Gherdëina vs. Tscherms Marling
La partida de juech al palé de campiunat de prumozion »Landesliga« sarà ai 12 de utober dala 16:00 ora de cësa.
05.10.
Ciock Vedeler
En sabeda ai 5 de otober, tel chèder del zircuit FFB Fiem Fascia Biois 2024, la 3Esse Soraga endreza la 14^ Ciock Vedeler. I atlec ponta via dal ciamp de balon de Soraga da les 14:00 per corer fin sal bait del Vedeler. La neva de chest an l é la Junior Track. Premia­zions do la garejèda lo dal ciamp de balon. Info e iscri­zions: www.3essesoraga.it.
12.10
Partida de hockey
N merdi ai 8 de utober saràl la partida de hockey dl HC Gherdëina contra l Red Bull Salzburg dala 20:30 nchin la 22:45. L juech sarà da udei tl stadium dala dlacia Pranives te Sëlva.

Mostres y Ert
Atualmënter
Mostra: »Countdown to mass extinction?«
Le Museum Ladin inviëia da jí a ti ciaré ala mostra speziala »Countdown to mass extin­ction?«, che é da odëi fina ai 3 de novëmber tl Museum Ciastel de Tor. La mostra se dá jö cun la plü gran estinziun de massa tla storia dla tera, en relaziun cun la crisa clima­tica da sëgn.
Atualmënter
»Testimunianzes dl Tëmp«
La mostra »Testimunianzes dl Tëmp«, na mostra dla galaria Vijion ora Puntives de Bruno Vallazza y Christian Kaufmann, resta davierta nchina ai 21 d’utober, for dal lunësc ala sada dala 4 ala 7 domesdi o cherdan su l nr. 338 2098697.
04.10.
Mostra »De blòc y de ntorc«
Tl Café Surëdl a Urtijëi vëniel metù ora na mostra dal titul »De blòc y de ntorc«, cun che­dri de Erich Mussner, Livio Comploi, Flavio Prinoth y Georg Demetz. La giaurida dla mostra ie ncuei ai 4 de utober dala 16:00. N puderà sambën mo ti cialé nce daldò, ntan i orares de giaurida, dal lunesc nchin al vënderdi, 09:00–19:00.

Temp Lede
Atualmënter
Culinarium Urtijëi
Urtijëi ie cunesciù nce per si gran varietà culinaria. Dai 22 de setëmber inant, nchin ai 13 de utober, piterà i restau­ranc cëines rafinedes, spëisa tradiziunela de Südtirol o ladina, ma sambën nce spëisa dla Talia y pizza. La strutures che fej pea ie: Costamula Re­staurant, Restaurant Pizzeria Mauriz Keller, Stua Catores, Restaurant Tubladel, Hotel Genziana, Ustaria Da Checco, Café Restaurant Val d’Anna, Zicoria Brasserie, Restaurant Pizzeria Lamm, Restaurant Mont Sëuc.
Atualmënter
Cërtl de letura cun Nicoletta
Tla biblioteca de San Durich a Urtijëi vëniel liet deberieda l liber de Francesca Melandri, »Piedi freddi«, uni lunesc dala 18:00. L cërtl ie debant y duc possa fé pea.
04.10.
Stories de 15 menuc per mutans y mutons cun Erica
Ncuei, vënderdi ai 4 de utober, dala 15:00 tla biblioteca de San Durich a Urtijëi. La bi­bliotech mët nce a jì l café dla rujenedes de nglëisc, franzëus y spanuel y nce l Literakino, ulache l ie da udëi films for vënderdi dala ot da sëira.
05.10.
Ora de la set mesures
La Lia dl Teater Sëlva nvieia a unì a ti cialé a chësc pez da rì. La prima sarà duman, ai 5 de utober dala 20:30 tla Cësa de Cultura de Sëlva. Daldò saràl mo cin’ reprejenta­zions: merdi ai 8 y vënderdi ai 11 de utober–for dala 20:30, dumënia ai 13 de utober dala 17:00, mierculdì ai 16 y sada ai 19 de utober dala 20:30. Chertes danora giàpen cher­dan su l Minishop Sëlva al numer 0471 773133 (mé dan­mesdì). La Lia dl Teater Sëlva se ncunforta sun vosc unì, ajache l sarà ORA DLA SET MESURES da rì!
06.10.
Sëira de karaoke
La grupa de mujiga Hosianna nvieia ai 6 de utober dala 17.00 inant a na sëira de karaoke tla Sala di Jëuni »Fun & More« te Sëlva. Na ucajion per cianté cianties deberieda y se devertì cun mujiga. Unide duc!
07.10.
Armonia por corp y anima
La Uniun Ëres Calfosch in­viëia en lönesc ai 7 d’otober dales 19:00 a na serada medi­tativa cun Elisabeth Ober­bacher.
09.10.
Stories por mituns
En mercui ai 9 d’otober dales 15:00 vëgnel tigní te biblioteca da Calfosch n domisdé cun de pices stories cuntades da Ingrid Castlunger. L’eté acon­siada é da 3 agn insö. An s’incunta tla Ciasa Tita Alton.
10.10.
La Ila: domisdé cun jüc da mësa
Le pulmin di jüc dl »Spiele­verein Dinx« storj pro en jöbia ai 10 d’otober dales 15:30 ales 17:30 a La Ila. Te biblioteca pó pici y gragn passé n do­misdé cun na gran cerna de jüc da mësa. N espert dá consëis y spliga les regoles. Al é ince la poscibilité da s’impresté fora jüc.
12.10.
Marcià bio y local
N sada ai 12 de utober saràl dala 9 daduman inant n mar­cià bio y local, urganisà dala Lia per Natura y Usanzes. L sarà sun la pitla Plaza de Sant Antone a Urtijëi.

Teater
05.10.
Setemèna del azet te Fascia
Tel chèder de la Setemèna de l’acolienza di Servijes sozièi del CGF en sabeda ai 5 de otober da les 20:30 te teater de Navalge l é l spetacol »Feisbucsister show« con la Filodramatica de Laives.

Iadi y Jites
03.11.
Cures y palses a Abano Terme
Dai 3 ai 10 de novëmber vëgnel organisé n iade cun le bus a Abano Terme. Le iade costa 720,00€ a ce te ciamena dopla, 790,00€ te ciamena singola. Al é da s’anunzié anter i 25 d’otober pro Monica Costa al 0474 590069 o al 348 9604485.

Sozial
Atualmenter
Mostra sul Alzheimer a Poza
L Servije Sozio-Assistenzièl del Comun General de Fascia, adum col Comun de Sèn Jan, à endrezà la mostra de foto­grafies en bianch e neigher ‘quotidiani paralleli’ de Luca Chistè enlongia ruf de Sèn Nicolò a Meida che se pel veder enscin ai 16 de otober. Chiò l é ence la spazirèda ‘Amica de la Persones con De­menza’ con segnèi e ban­ches aldò fates da la Coprativa Oltre.
Atualmënter
Bancarela dl mangé a Badia
La bancarela dl mangé é daverta vigni secunda jöbia, dales 9:30 ales 10:30. Le pro­scim termin é ai 10 de oto­ber. Al vëgn dé fora da mangé a dötes les porsones dla Val Badia che á debojëgn.
04-05-10.
Setemèna del azet te Fascia
Fin ai 5 de otober te la Sete­mèna del azet apuntamenc di Servijes Sozièi del CGF: vender ai 4 da les 16:00 a Poza te Oratorie ativitèdes con la sociazion ‘Tango al buio’, la coa di picoi de Soraga e la scolines; sabeda ai 5 da les 20:30 te teater de Navalge spetacol »Feisbucsisters show«.
21.10.
La Ciasa de l’Armonia
L Servije sozio-assistenzièl del Comun General de Fascia en lunesc ai 21 de otober da les 17:30 ge prejenta a duta la comunanza la Ciasa de l’Armonia, na stua con aparac tecnics per la stimolazion sensorièla, l benstèr e l dida­ment te desvaliva sort de desa­bilità, realisèda te Oratorie de Moena col finanziament de la Fondazion Caritro e gestida da Anffas Trentin.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
08.10.
Sport ladin
Dales 20:50 ca. Program de Diego Clara y Hartmann Mair­­hofer, a cura de Leo Senoner.
09.10.
Df: dut feminin. Ëles dirighëntes
Dales 20:50 ca. Cater ejëmpli mostra che la va: Ester Demetz – coordinadëura dl ciamp de cumpetënza Raions tl lvh, Claudia Flaim – diretëura dla vendudes de Markas, Bea Insam – diretëura dla Lia per l turism Urtijëi y Doris Ghetta – fundadëura dla Galeria Ghetta a Puntives. La duman­des resta la medemes: iel pa na maniera de dirigënza femi­nina? Iel pa cualiteies che mëina al’auta? Carateriserà pa la capaziteies dl’ëiles l stil de dirigënza dl daunì? Pro­gram de Laura Moroder, a cura de Anna Mazzel.
09.10.
La munt de Fojedöra tl ORF
Ai 9 de otober 2024 dales 20:15 él da odëi söl ORF III n film de Stefan Nicolini söl’ativité di famëis te munt, lapró él ince Fojedöra te Mareo.
10.10.
Lingaz ladin, n pëis o na fortuna?
Dales 20:50 ca. Program de Daria Valentin, rejia de Hans Peter Karbon, a cura de Alessandro Dapunt.

Radio
05.10.
Fraldes y trapolaes tla müjiga (1a pert)
Dales 19:05. »Iö ciant y tö te möies i slef«. Le grup musical di Milli Vanilli é dessigü sté la plö gran ingianada tl monn dla müjiga pop, mo al ne é nia sté la sora. Tratan la tras­misciun podares ascuté sö deplö informaziuns sura ciantarins conesciüs che, in realté ne ciantâ nia. Program de Iris Del Valle.
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
06.10.
Peter Cetera 80 ani
L protagonist dla trasmi­scion ie Peter Cetera, musizist y cian­tarin american che à fes­tejà da permò si 80 ani. Tras­miscion de Georg Mussner.
08.10.
Le dietist y la dieta
Dales 13:45. Na dieta é na dezijiun che pëia ia dal ponsé y dala convinziun da orëi mu­dé val’ te nosc fisich y te nosc stil de mangé. Le dietist é chël profescionist che sá da dé i dër consëis y les dërtes indica­ziuns por ci che reverda l‘alimen­taziun. La dot.ria y mag. Monica Gasser nes spliga tl monü. N program de Sara Frenner.
09.10.
N auter turism: fer rei
Dales 19:05. Da n trat en cà l Azienda per l Turism de Fascia à scomenzà n confront costrutif con duta la comu­nanza, operatores turistics, aministrazions locales, provin­zièles e con l autra valèdes ladines per ruèr a jir duc te na medema direzion e troer soluzions e soraldut sporjer na neva vijion de turism. En rejonon con Nicolò Weiss diretor APT Fascia. Program de Anna Mazzel.
10.10.
Bio pón mange, bio pón se vistí y bio pón ince vire
Dales 19:05. Claudia Insam dl lüch da Uridl a Urtijëi, nes cunta de so lüch da paur y de ci che al ó dí da le manajé y le vire te na manira biologica. N program de Sara Frenner.

Apoteches
Apoteca Val Badia
L’apoteca en sorvisc fora dl orar ordinar, dal vëndres ai 4 de otober dales 19:00 al vëndres ai 11 de otober ales 19:00, é chëra d’Al Plan, tel. 0474 501240.
Apoteca Gherdëina
L’apoteca de servisc ora dl orar urdiner de giaurida da n vënderdi ai 04.10. nchin n vënderdi ai 11.10. ie chëla de Ciastel, tel. 0471/363076 (orar de giau­rida 8.00-12.00/15.00-19.00).

Dotours
Doturs Val Badia
Tla fin dl’edema di 5 y 6 d’otober él en sorvisc ti cin’ co­muns dla Val Badia la do­turia Margarete Mahl­knecht, La Val, tel. 349 0667034 o 0474 523018.
Dutor Gherdëina
L dutor de servisc da n sada ai 05.10. dala 08:00 daduman nchin la 08:00 daduman de n lunesc ai 07.10. ie l dutor Valentin Tröbinger de Sëlva, streda Dantercëpies 2, tel. 0471773073 o 335 6844944.

Cursc
Atualmënter
Curs de ginastica
L KVW de Sëlva mët a jì dai 25.09. nchin ai 13.11. n curs de ginastica cun la referënta Karin Moroder, uni mierculdi dala 20:00 nchin la 21:00 tla palestra Pranives te Sëlva.
Atualmënter
Curs

• 
•  

View the embedded image gallery online at:
https://www.lausc.it/manifestazions-y-evenc/28023-manifestazions-atuales#sigProIda1d2f34096

de gherdëina per chi che scumëncia
L curs scumëncia n merdi ai 1 de utober y va inant per sies iedesc, for de merdi y de juebia ai 3.10, 8.10, 10.10, 15.10 y ai 17.10. for dala 18.30 nchin la 20.00 tla biblioteca ladina »Anda Malia da Cudan« tla Cësa di Ladins. L curs unirà tenì da David Lard­ schneider. Chi che à nteres possa se nunzië mandan na e­mail ala Union di Ladins de Gherdëina a info@ulg. it o cherdan su l numer 0471 796870.
08.10.
Ginastica de prevenziun a Lungiarü
Le KVW da Lungiarü, cun le Consëi de Formaziun da San Martin, inviëia ëres y ëi a 3incuntades de ginasticade prevenziun dal me de spiné y dal’osteoporosa. An s’incun­ta i mertesc ai 8, 15 y 22 d’oto­ber dales 19:30 ales 20:30, te palestra a Lungiarü. Refe­rënta é la fisioterapista Albina Pes­coller. Le cost é de 30,00€ por mëmbri dl KVW (36,00€ por i atri). Iscriziuns pro Anna­maria al 338 7375305.
14. y 21.10.
Curs de autodefenüda personala
La Uniun Ëres San Martin y le Consëi de Formaziun da San Martin mët a jí n curs por imparé da se defëne, cun l’istrutur de autodefenüda y karate Luigi Bellotto. Le curs vëgn tigní i lönesc ai 14 y 21 d’otober dales 19:30 ales 21:00, tl salf di stöadafüch a San Martin de Tor. Iscriziuns anter i 12 d’otober al nr. 339 3115679. Cost por les döes sëres: 10,00€ a ce.
02.–27.11.
Curs de Ladin per prinzipianc
L Istitut Ladin Micurá de Rü mët a jì n curs de ladin per prin­zipianc cun la referënta Karin Comploj. L curs scu­mëncia n mierculdi ai 2 de utober y jirà inant per de ndut ot iedesc, for de mierculdi, 18:00–20:00, n prejënza y online. Per nfurmazions y iscrizions: 0471773225, furma zion.gh@micura.it. Priesc: 100€.

Mujiga
07.10.
Tras la Musega te Museo
La Majon di Fascegn endreza en lunesc ai 7 de otober da les 20:30 te Istitut Cultural Ladin a Sèn Jan na scontrèda de con­front e colaborazion con duc chi che te Fascia se dèsc ju con la musega.

Avisc
Atualmenter
Oraries Museo Ladin de Fascia
L Museo Ladin de Fascia é avert fin ai 10 de otober demò domesdì da les 15:00 a les 19:00 e do l resta serà dut invern per lurieres de segureza. Info: 0462.760182.
Atualmenter
I oraries de Pedies
Se pel veder Pedies sul canal 10 de la televijion Trentino TV, de sabeda da les 18:00 , de domenia da les 13:30 e de lunesc da les 11:30. Con Smart TV sul medemo canal l é semper a la leta orian co la friza en su i sotcanai HBBTV, sot la ousc TML. Duc i video e filmac dac fora dal Comun General é ence sul canal Tv Ladina de Youtube.
Uni lunesc
La Coa: ancuntedes per genitores
Uni lunesc dala 09:30 nchin la 11:00 puderàn se ancunté tl local Matada a Urtijëi per sté deberieda danter mu­tons:ans, mamis y tatis y chi che deventerà tosc genitor. Sëuraprò saràl l mesun de damandé cunsëies ala espertes Karin Planker y Linda Fa­conti. L cost ie de 5€ per cu­mëmbri dla Lia Gaia.
04-17.10.
Tango, per stèr miec a ogne età
L Servije sozio-assistenzièl del Comun General de Fascia adum con la sociazion ‘Tango al buio’ endreza 2 corsc de tango, per persones de età e per duc. I vegn prejenté anché vender ai 4 de otober ta les 16:00 a Poza te Oratorie. I corsc, semper te oratorie de Poza, pearà via ai 17 de otober, da les 16.15 a les 17.45 per i over 65 e da les 17:45 a les 19:15 per duc. Info al 0462 764297.
5.10
Con Emergency per la pèsc
Chest fin de setemèna l é la azion de tesserament de Emer­gency. En sabeda ai 5 de otober i volontères del Grop Emergency de Fiem e Fascia i é a Pardac te l’entrèda del super­marcià Poli da les 10:00 fin les 18:00 per dèr infor­mazions e tor su l sostegn per l’atività sanitara e umanitara contra la vera e per i deric.
05.10.
Dolomia 2024
En sabeda ai 5 de otober l é la 17^ edizion de Dolomia, binèda di alpinisć da dut l raion dolomitich endrezèda dai Ciamorces de Fascia. Se se bina da les 8 da doman te piaz de la forenadoa a Pera per jir sun Gardecia, da olache se podarà peèr via per desva­liva rampinèdes e escur­scions. L é da se enscinuèr dai Cia­morces dant dal prum de oto­ber per l endrez e la auto­risazions.
07.10
Lia di Filatelisć – ancuntedes
La Lia di Filatelisć, Numis­matics y Vedla Chertes de Gherdëina se anconta uni prim lunesc dl mëns dala 20:00 tl Bar 2000 a S. Cristi­na, per s’la ciaculé y fé vel barat. L proscimo ie n lunesc ai 7 de utober.
10.10.
Shake it off
Te doi ancuntedes jon sun n viac de scuvrida de nosta forza de esprescion criativa tres l muvimënt. Scasseron demez la vita da uni di, se dedicon a nëus. Mpareron a ti scuté su al corp, recunëscer emu­zions y ti dajeron a chël che ie tlo esprescion cun nosta rujeneda persunela dl bal. Tres eserzizies da juech y sessions nteratives renfurzons nosta criatività y nosta cunfi­dënza. L curs unirà tenì da Johanna Delago. Deplù nfur­mazions da Linda sot al numer 333 209 6834. Iscrizion nchin ai 10 de utober sot a www.pro-gaia.net

Chino
Atualmenter
Al chino de Tieser
Anché vender ai 4 de otober e sabeda ai 5 da les 21:15 e domenia ai 6 da les 20:30 l é »Joker folie à deux«, sabeda ai 5 da les 17:15 l é »Il magico mondo di Harold«. En jebia ai 10 da les 21:15 per la rasse­gna »Il piacere del cinema« l é »L’ultima settimana di set­tembre«, en vender ai 11 e en sabeda ai 12 da les 21:15 l é »Joker folie à deux«. Pro­gram su www.cinematesero.com.

Referac
04.10.
Se destaché dal stres y rové tl chît
Incö vëndres ai 4 d’otober dales 20:00 él tl pice salf de Comun a La Val n referat cun eserzizi de meditaziun, por se destaché dal stres y rové tl chît. Referënta é Alma Moling Schuen.
08.10.
Acompagné la sessualité di mituns
Le Sorvisc ai Jogn Val Badia mët a jí en mertesc ai 8 d’oto­ber dales 19:00 n referat sot al tema »Kindliche Sexualität sicher und wohlwollend beglei­ten«, por geniturs de mituns cina 7 agn y personal peda­gogich. Le referat é tl salf dl Istitut Ladin a San Martin.
08.10.
Arpejun – testamënt y suzesciun ereditara
Chësc é le titul de n referat che vëgn metü a jí en mertesc ai 8 d’otober dales 20:00, tl pice salf de Comun a La Val. Referënt é l’avocat Paul Maie­ron. Organisaziun: KVW La Val
09.10.
Canche mangé devënta na osesciun
Le Sorvisc ai Jogn Val Badia mët a jí n referat online cun Raffaella Vanzetta (INFES), dal titul »Quando il cibo di­venta un’ossessione«, en mer­cui ai 9 d’otober dales 19:30. Le link por tó pert sön Zoom vëgn publiché valgügn dis denant sön i profils social dl Sorvisc ai Jogn y la plata www.jogn.org