La Usc di Ladins

L istà l é fenì e con l ultim conzert de ‘I Suoni delle Dolomiti’ che à portà ot mile persones sun Duron, se à strutà su ence l gran lurier di Comitac manifestazions per l endrez di evenc che empienesc i trei meisc de ciaut. Chest an Michela Marangoni de la Sociazion Antermoa, che se cruzièa jà de la manifestazions ti paijes de Mazin, Ciampedel e Cianacei, l’à tout su ence l coordenament de cheles de Moena. I é jic inant desche zenza enveze i Comitac de Soraga con a cef la presidenta Loretta Pederiva, Vich con la presidenta Daniela Cigolla e Poza con la presidenta Mara Dorich. Per l endrez di evenc l é de besegn de aer n gran budget, soraldut se se vel portèr inomes o spetacoi de peis. N gran sostegn economich rua dai Comuns, ma no duc, soraldut chi picoi, pel dèr fora de gran zifres. Per chest l é semper emportant l lurier di volontadives, a chi che ge va n fort develpai per sia desponibilità e sie empegn. Nos aon contatà Michela Marangoni per fèr n bilanz de coche l é jit la sajon.

Podede lejer duta l'intervista su La Usc stampèda de en vender ai 4 de otober.  (Monica Cigolla)