La Usc di Ladins

La sajon dai schi é sun usc e i profescionisć del setor é vertesc per n nef invern su la neif. En sabeda ai 23 de november a Sommacampagna de Verona l é stat endrezà l Convegn nazionèl 2024 de AMSI, la Sociazion Maestres de Schi de la Tèlia, col patrozinie del Colege Nazionèl Maestres de Schi (Col.Naz.) Chest apuntament anuèl à metù al luster l’emportanza de chesta ocajions de confront e condivijion per i profescionisć de la neif per tor dant i temes strategics del setor, sun usc de na neva sajon da d’invern.

Al event à tout pèrt presciapech 100 persones anter diretores de Scoles de schi e brea, delegac e consulenc da duta la Tèlia. N resultat che conferma l enteres per n apuntament che no met demò en consaputa i partezipanc su l’ativitèdes che vegn fat, ma l é ence n moment de reflescion su la endesfides e la oportunitèdes del mond de la mont e del ensegnament di sport su la neif. 

De più su La Usc stampèda de en vender ai 29 de november.