La Usc di Ladins

Al é na inciaria chita, che se damana pücia lerch y che an ne alda nia tratan la zelebraziun; porimpó, sce al ne foss nia les mitans y i mituns sö da d’alté a sorví a mëssa, fossel n gran öt. En domënia dla Caritas ai 17 de novëmber él gnü alzé fora da siur degan Iaco Willeit le lian che chësta uniun á cun la parora latina, che ó dí cura, sorví, daidé. Avisa i compic che vëgn curis tratan vigni mëssa dai mituns y dales mitans dala terza elementara inant.

Ci che an á podü odëi, bele dal’entrada solena de düc i ministranc y dl comité che i acompagnëia, é che la uniun ne é nia ma limitada a sorví; al é val’ deplü: n grup sterch che se vëgn y che porta ite ligrëza te ci che al fej.
Tröc y tröpes pó teco se recordé che na pert dl’infanzia é gnüda dedicada a chësc sorvisc. Vigni ann él n barat de porsones, forzes nöies che vëgn docá, sciöche i rais che scialda ite, y d’atres che á dé l’ejëmpl y che sëgn, do avëi arjunt l’eté, lascia l’uniun do 7 agn. En chësc ann él gnü tut sö bëgn 11 ministranc nüs y 6 á ciafé le diplom por avëi stlüt jö i agn de sorvisc.

Deplü nes cunta Lucia Piccolruaz tla ediziun d’La Usc di Ladins di 6 de dezëmber