La Usc di Ladins

L report nef de Legambiente NeveDiversa 2025 vegn avert con n retrat del impiant portamont e de la utia, encomai na maracia, sun Pian di Fiacons do la levina vegnuda ju ai 5 de dezember del 2020. »Él possibol aer na mont desvaliva?«, se domana la sociazion ambientalista talièna.

»Sun Marmolèda, tel cher de la Dolomites, pech dalonc da Cortina che sgaliza semper de più per la Olimpiades del 2026 — scrif te l’introduzion al nef numer Vanda Bonardo, responsabola Èlpes Legambiente, e Sebastiano Venneri, che l se cruzia de turism, — l é taces de n passà arbandonà e desmentià da la istituzions. Chest chèder ne fèsc entener coche la mont la posse esser rica e pureta tel valif moment, coche l lus l sie apede al arbandon«.
Te 280 piates ge vegn dat lèrga a desvaliva tematiches: pean via da n chèder su la situazion di impianc arbandoné, vegn rejonà de Olimpiades, de tempram, de lus desmesurà sa mont, de overtourism. »Su na mont semper più artifizièla, olache no semper vegn neif, él possibol aer n confin anter lus e piajer mesurà?« se domana la redazion. Bensegur, vegn portà dant ence de bona prateghes desche l projet BeyondSnow, che deida la stazions da schi a jir envers politiches più sostegniboles.

De più su La Usc stampèda de en vender ai 21 de mèrz.

 (Nicoletta Riz)