La Usc di Ladins

La grupa Nosc Cunfin à prejentà a puntin la situazion ajurneda dl mplant de cunliamënt Sautaria-Pana y dl mplant nuef sun Furcela de Saslonch. N se aspitova ntervënc da pert dl publich de uni ciamp, minonghes desfrëntes da tramedoi pertes, chi per y chi cuntreres, y che ëssa purtà a na descuscion plu viva.
Son dla minonga che la majera pert dla jënt de Gherdëina uebe mantenì sibe l raion ntëur a Saslonch che la furcela zënza mplanc portamont. Saslonch ie tan na gran richëza y atrazion che nes garantësc inant che la jënt vënie da dlonch caprò a ti cialé. Nëus duc on l duvier de l mantenì per la generazions che vën do, per ti garantì n daunì te nosta valeda. Ne dausson nia inò lascé pro che l vënie frabicà mplanc cun i scioldi de duc per ti fé n plajëi a puec o a vel’ chemun ujin. Mplanc che ne ulon y ne adurvon nia y che porta mé plu jënt te n raion tan zite. Oradechël ons iló la funtanes dal’ega de Urtijëi y dla frazions ntëurvia. L’ega ie la richëza per sëuraviver y cun l mudamënt dl tlima manceràla for deplù. (Letra de Engelbert Mauroner, Urtijëi)

De plu tla edizion stampeda de La Usc di Ladins o sun l e-paper a paiament www.lausc.it/e-paper