La Usc di Ladins

É cialà feter cun marueia l video »Dolomiti: la (non) provincia italiana che sta scomparendo« sun YouTube. Suvënz me éi damandà, cialan l buletin dl tëmp sun i media ladins, ciuldì che Egort y l Agordin ne vën nia ratei coche na valeda ladina dolomitana – y nce mo la Val di Zoldo. A i audì rujené tl film, ti semea la rujeneda defin a n idiom ladin. Y... gran pert dla Dolomites abìnen iló tla Provinzia de Belun! Ne à pa i agordins mei purvà a se fé valëi deplù coche ladins pra la Union Generela di Ladins dla Dolomites? Y... vëiramënter, ciun ie pa l daunì (ma nia mé) de chëla valeda, a scuté su cie che i dij tl film? Sambën ne n’ie chësta problematica dla populazion che se n va y dl lascé do dla nasciudes nia mé n problem de chël raion. (Letra de: Heinz Santifaller, Runcadíc)

De plu tla edizion stampeda de La Usc di Ladins o sun l e-paper a paiament www.lausc.it/e-paper