La Usc di Ladins

Musiga da mort – sceria y ince nia
Festival Badiamusica: en doman sabeda ai 15 de messé dales 21:15 él te salf dles manifestaziuns da La Val le conzert »Schöner Sterben – Morir cantando«, cun na serada dedicada ala musiga da mort
Te tëmps malsigüsc baion tröp dla mort, ince sce nia ion. La mort y la musiga comu­nichëia indere ion. I cater compagns che se incunta pro n gote de vin te chësta bela sëra malinconica, fej n iade musical tres secui de musiga da mort, da Monteverdi, Bach, Mozart, toc islandesc y melodies colombianes cina ala musiga da mort de Charles Ives por so cian, ales cianties vienejes, a Mani Matter, a Billie Eilish y a d’atri toc pop. Al é musiga da mort sceria y ince nia, che vëgn aranjada y presentada acusticamënter y eletronicamënter sön de plü stromënc. Protagonisć sön paladina é »Miribung & Friends« cun Eva Miribung (vidora, usc), Mara Miribung (cello, mandolina, usc), Daniele Pintaudi (rezitaziun, clavier y usc) y Mathias Weibel (viola, mandolina, synthesizer, clavier y usc).

Cun l’Ensemble Spinario tla Val dl’Ert
Le Festival Badiamusica condüj ai 22 de messé dales 17:00 tla

• 
•  

View the embedded image gallery online at:
https://www.lausc.it/manifestazions-y-evenc/24227-manifestazions-atuales-speziales#sigProIdc538dd425d

Val dl’Ert a San Martin, por le conzert »Pine unplugged«, en colaboraziun cun SMACH
Co pói pa cherié n lian personal cun n lëgn? Pói baié impara? Él bun da me aldí? Él bun da capí mi lingaz? Él bun da tó sö mi cianté? L’istalaziun musicala »Pine unplugged« de Rupert Huber reverda le contat personal cun le pinch. Les perts musicales dl »Ensemble Spinario« se barata jö cun strofes fora dla poesia »Pine« (pinch) dl poet american James Dickey, traslatada da Astrid Kaminski. Te »Pine« proa le poet da sperimenté cun düc i sënsc da descurí ci che le pinch é. Dal’atra pert, adora le »Ensemble Spinario« tecniches fisich–mentales por descurí personalmënter y diretamënter l’essënza dl pinch. Sce al é bur’ tëmp, vëgn le conzert tigní ai 23.07. dales 10:30 tla Val dl’Ert, o sce al plöi ince iló spo tl salf dl Istitut Ladin.

Sön le tru dl café cun le »MokkaBarock«
Festival Badiamusica: »The Coffees Route« á inom le conzert dl ensemble »MokkaBarock«, en lönesc ai 24 de messé dales 21:15 tla Ciasa Runcher a Badia
Kaffee, caffè, café, kava, kávé–al é tröc inoms y ince tröc mic che cunta la storia de süa descurida. Pian ia da süa patria, dal’Etiopia, mët man la cultura dl café da se deslarié fora por döt le monn cun gran su- zes. »MokkaBarock« ti vá do ales pedies dla »strada dl café« y ti la presënta al publich cun composiziuns originales y aranjamënc personai.
Al sona Florian Brandstetter (fablos y direziun), Tabea Seibert (fablos), Elias Conrad (kiut, tiorba, chitara baroca), Cecilia Clò (cello baroch) y Julian Gaudiano (cembalo).

»Saxofón Porteño«
Festival Badiamusica: en mertesc ai 25 de messé dales 21:00 él da aldí sön paiun d’Al Plan le »Silvio Zalambani Amerindia Ensemble«
Le sax sopran solist Silvio Zalambani, acompagné da n cuartet döt feminil de saxofons, venerëia la musiga de Buenos Aires. Te so pröm laur disco­grafich »Saxofón Porteño«, gnü fora tl 2022 por »Edizioni Musicali Borgatti«, zelebrëia le »Silvio Zalambani Ame­rindia Ensemble« le tango argentin, portan dant composiziuns de auturs contemporans y tradizionai sciöche: Sonia Possetti, Diego Schissi, Federico Lechner, Osvaldo Pugliese, Astor Piazzolla y Silvio Zalambani. Cun n proiet original por le tango, cheriëia le grup n lian danter poliritmies, impro­visaziuns dala saú dl jazz y atmosferes sensuales y malinconiches, te na verjiun de musiga da ciamena.

Panorama Music te Fascia
Na lingia de conzerc debant sa mont, con inomes de nonzech e musizisć ladins o de autra mendranzes
Edizion numer 8 per l »Val di Fassa Panorama Music«, festival endrezà da la sociazion La Grenz de Enrico Tommasini en colabo­razion con i impianc portamont e l sostegn de l’APT de val.
Duc i conzerc é debant, i vegn fac a l’averta sa mont entorn mesdì e se fossa burt temp l é pervedù na alter­nativa daite. Ge vegn dat lèrga ence a artisć de noscia valèdes o de autra mendranzes lingui­stiches te la sezion JMMJ, »Joegn de Mendranza e Musega Jazz«.
En jebia ai 20 de messèl te Fuciada da les 13:30 la ciantarina jazz Francesca Bertazzo con Roberto Gorgazzini, Beppe Pilotto e Enrico Tommasini, se l é burt temp daite te refuge.
En domenia ai 23 de messèl sun Costabela da les 11:00 Laura Willeit e Hubert Dorigatti con »Dalle Dolomiti al Missisippi«, se l é burt al Hotel Arnika (Pas Sèn Pelegrin) da les 14:30.
En domenia ai 6 de aost al Chalet Valbona sun Lujia da les 11:00 musega ispirèda da la fegures feminines de la Dolomites de »Serenismar Ensemble«
En mercol ai 9 de aost da les 12:00 sun Ciampedie jazz col joen catalan Felix Rossy te n sestet internazionèl de gran valuta.
En domenia ai 20 de aost sun Col Margherita da les 11:00 conzert tel lengaz zimber de »Naüge Beng, Strade nuove« con Maria Roveran e Joe Schievano.
En jebia ai 24 de aost al Agritur El Mas de Moena da les 11:00 la ciantautora fascèna Elena Favè, compagnèda da Enrico Desilvestro, Giulio Molteni, Alessandro Biasi e Marco Mattia.
Info sul sit www.fassa.com e su la piates facebook e insta­gram
valdifassapanoramamusic.

Conta l uele – vernissage de Manuel Dander
La Lia Mostra d’Ert - Circolo nvieia ala giaurida dla mostra de Manuel Dander, che sarà ai 14.07. dala 20:00, n ucajion dla mostra culetiva »Conta l uele«
Manuel Dander ie nasciù tl 2002 y ie chersciù su te Sëlva. Śën viv y lëura l artist a Berlin. Cun si mostra dal titul »Zwischen Neid und Mitleid« (Danter nvidia y cumpascion) mëtel n descuscion, dantaldut tres pitures a uele, la legitimità de tradizion y la pert che nosc antenac à te nosta crissa de identità. La mostra »Conta l uele« porta adum lëures inuvatifs che abina sinergies danter tecniches desferëntes dla pitura dl uele sun tëila. Ntan la trëi enes de lugio unirà la sala dla mostres cureda da un:a artist:a al iede, for per n’ena: dai 14 nchin ai 21 de lugio saràl metù ora lëures de Manuel Dander. Orares de giaurida: uni di 16.00 – 19.00, sada y dumënia: 10:00 – 12:00.

»SUCCESSO«, na mostra de Fabrizio Biz Senoner
L Tublà da Nives nvieia ala giaurida dla mostra, ncuei, vënderdi ai 14 de lugio dala 20:00
Te si mostra persunela nriesc Biz la natura ntravaieda y cuntrasteda dl suzes. L artist mët n descuscion nosta cunzezion y nvieia a se fé dumandes n con’ dla definizions cunvenziuneles y la aspetatives ntëur a chësc cunzet. Senoner analiseia l cuntrast danter l arjonjer l travert y l scumbat sucrët che se ascuend dovia. Tres si ert ulëssa l artist nce mëter a cuer tematiches che reverda la sozietà y i argumënc de atualità cun chëi che n jëunn de Gherdëina se cunfruntea al didancuei y nvieia a se lascé ite te n viac da truepa mudazion de nstalazions, depënc y performance che pëia via da esperienzes persuneles dl artist.
La mostra resterà da udëi nchin ai 5 de agost, uni di ora che l lunesc dala 16:00 nchin la 19:00. De merdi, mierculdi y vënderdi nce dala 20:00 ala 22:00.

»Nos dales bales«
Les bales é les protagonistes dla manifestaziun »Nos dales bales«, che vëgn tignida chësc isté ai 18 de messé dales 19:00 inant, fora por le zënter da San Linert
Diesc coghi y conditurs de de plü hotí y restoranc de Badia interpretëia do süa fantasia y so stil chësta spezialité locala. Les variaziuns de bales duces y sarades gnará sorvides adöm a n bun gote de vin de Südtirol fora por la strada prin­zipala da San Linert, che vëgn por l’ocajiun stlüta al trafich dales 18:00 ales 23:00. Le grup »Jam’son« se crüzia dl intratignimënt musical. Por tó pert ala serada »Nos dales bales« n’ól ester degüna prenotaziun; an pó cumpré i bons por les bales bele danfora, ti ofizi turistics dl’Alta Badia o diretamënter en chë sëra tl zënter da San Linert. Sce al ess da ester bur’ tëmp, vëgn la mani­festaziun sburlada ai 19 de messé.

Catordesc artistes dales ares
La mostra de grup »Äres« che sará tla Ostaria Dessot a Dlijia Vedla a La Val gnará daurida te otedé, en vëndres ai 21 de messé dales 18:00 söl post
L’uniun culturala y artistica EPL–Ert por i Ladins ti lascia lerch en chësc isté ales artistes dla Val Badia assoziades, bëgn catordesc de chëstes metará fora tla Ostaria Dessot a La Val sü laurs, te n contest nia da vigni de y te na lerch nia destinada por chësc fin. Deplü dles artistes é nöies pro l’EPL, ci che ti dá dlungia a deplü mëmbri nüs na ona frësca ala uniun vedla 64 agn. La mostra vëgn curatada y arjignada chëstes edemes da Gaia Lionello, artista y galarista da Mestre che abitëia da plü agn te Mareo. Les artistes che mostra sü laurs é: Cristinarosa Pizzinini, Elisa Rungger, Gaia Lionello, Giulia Bortolini, Irina Tavella, Irma Irsara, Jutta Valentini, Mariana Acuña, Maria Margareth Pedevilla, Pia Pedevilla, Roberta Sottara, Sara Dapoz, Silvia Baccanti y Ursula Tavella. A acompagné la mostra che sará da odëi cina ai 6 d’agost 2023 saral deplü manifesta­ziuns, de leteratöra y musiga, y ince iadi de informaziun fora por i locai.