La Usc di Ladins

Musiga
Uni mierculdi
Cunzert dla Mujiga de S. Cristina
La Mujiga de Santa Cristina sunerà uni mierculdi dala 20:30 tl Zënter Iman de S. Cristina. Duc ie nviei de cuer.

15.08.
Mujiga cun l trio Ladinia
L grupa di corni da mont Ladinia sunerà su corni tl raion da jì a pe de Urtijëi, ai 15.08. dala 10:00.

15.08.
Cunzert–The Queen Project
N la sëira dla Gran Santa Maria, ai 15 de agost dala 21:30 inant, sunerà la grupa The Queen Project tl zënter de Urtijëi. Sce l ëssa da vester bur’ tëmp uniràl spustà de n di (16.08.).

16.08.
Cunzert dl Bozen Brass
La grupa de Bulsan sunerà ai 16 de agost dala 21:00 sun Plaza de Chemun te Sëlva.

16.08.
Cunzert dla Mujiga de Perbian
La Mujiga de Perbian sunerà ai 16 de agost dala 21:00 tl zënter Iman a Santa Cristina.

17.08.
Cunzert dla Mujiga de Urtijëi
La Mujiga de Urtijëi sunerà n juebia ai 17 de agost dala 21:00 sun Plaza de San Durich a Urtijëi.

17.08.
Cunzert dla Mujiga de Feldthurns
La Mujiga de Feldthurns sunerà n juebia ai 17 de agost dala 21:00 sun Plaza de Chemun te Sëlva.

20.08.
Abba Show
Se sentì inò mpue coche ti ani 80: sun Plaza de Chemun de Sëlva puderàn scuté su l cunzert »Abba Show«, ai 20 de agost dala 21:00 inant.

20.08.
Cunzert sun Pana
N dumënia ai 20 de agost dala 16:30 cianterà la grupa »De cater« pra l pitl lech sun l troi Panaraida sun Pana.

11.08.
»Sotousc« con Silvia Leonetti e Samantha Pederiva
La doi artistes fascènes Silvia Leonetti e Samantha Paderiva porta dant n moment de musega dal titol »SottoVoce« insnet vender ai 11 de aost da les 21:00 te piaz Ramon de Moena.

16.08.
Musical per solidarietà
En mercol ai 16 de aost da les 21:00 te piaz Sotegrava a Moena (se l é catitemp te Navalge) l grop Des Etoiles e Trent porta dant »La net di musical« n spetacol de bai e cianties per sostegnir l’atività de Lifeline Dolomites tel Zimbabwe e tel Zambia.

18.08.
Conzert de Andrea Casta sön Piz La Ila
En vëndres ai 18 d’agost él Andrea Casta che tëgn n conzert particolar tratan le lové dl sorëdl. L’implant de Piz La Ila gnará por l’ocajiun bele daurí dales 5:50, por podëi ascuté les melodies de Andrea y se gode n bun gosté pro le Club Moritzino. Les chertes pón cumpré sön la plata internet dl Dolomiti Superski.

Avisc
Atualmenter
Mostra Aureon a Vich
Te la scola populèra de Vich se pel veder la mostra scientifica endrezèda dai studenc di Licees de Fascia con la Coprativa Inout. La restarà averta fin ai 25 de aost duc i dis da les 15:30 a les 18:30 e da les 20:00 a les 22:00. Info e prenotazions: www.inoutfassa.com/mostra-scientifica.

Atualmenter
I oraries de Pedies
Pedies vegn moscià sul canal 10 de la televijion, Trentino TV, de sabeda da les 18:00 , de domenia da les 13:30 e de lunesc da les 11:30. Con Smart TV sul medemo canal se pel l veder canche se vel orian co la friza en su i sotcanai HBBTV, sot la ousc TML. Duc i video e filmac dac fora dal Comun General e da l’Union di Ladins é da poder veder ence sul canal Tv Ladina de Youtube.

Atualmënter
Orares dl Museum Gherdëina
L Museum Gherdëina tla Cësa di Ladins a Urtijëi ie daviert dal lunesc nchin al vënderdi dala 10:00 -12:30, 14:00–18:00. Nchin ala fin de agost iel nce daviert la sada dala 10:00 -12:30.

Atualmënter
»Club Boé«
Le grup de autoaiüt »Club Boé« por problems de alcol o d’atres dependënzes s’incunta vigni mertesc dales 20:00, tla Ciasa di Stüdafüch a La Ila altaite. Les porsones de referimënt é Hubert (tel. 339 1698343) y Methilde (tel. 335 6977604).

Atualmënter
L’Ofize de »Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30, le mercui ince dales 15:00 ales 17:00. info@frauenhelfenfrauenbruneck.it

Atualmënter
Iniziativa di ëi de Puster–MIP
L’ofize dla MIP–Männer­initiative Pustertal dëida i ëi y peri pro caji de separaziun y pîta aiüt te situaziuns de dificolté. L’ofize é tl Paternsteig nr. 1 a Bornech y é davert lönesc y mercui dales 14:00 ales 19:00, le vëndres dales 8:00 ales 12:00. Contac: 0474 555848, 340 1896431 o info@mip-pustertal.it

21. y 22.10.
Jita de chi dl 1983 dla Val Badia
Düc i nasciüs dl 1983 dla Val Badia é inviá ala jita por i 40 agn, che vëgn fata ai 21 y 22 d’otober a Tramin. Al ne gnará nia mené fora invic. Chi che é interessá da gní para, dess ti scrí n sms/WhatsApp a Elisa, al nr. 338 1235241.

15.08.
Festa di Omegn da Mont
En mèrtesc ai 15 de aost a Ciampedel vegn endrezà la Festa di Omegn da Mont. Da les 9:10 se se troa te piaz de Ciampedel, da les 9:30 messa grana, da les 10:30 defilèda fin al monument de la guides e do picol conzert de la Musega Auta Fascia. Se fossa catitemp vegn fat te tendon de la manifestazions de Ischia.

12.08.
Hervé Barmasse a Cianacei
Doman sabeda ai 12 de aost da les 21:00 te piaz Marconi (se fossa catif temp te chino Marmolèda) tel chèder del Festival Scritores su la Dolomites de la Sociazion Antermoia, l alpinist e scritor Hervé Barmasse conta de sia esperienzes de mont e de vita.

Atualmenter
Oraries Museo Ladin de Fascia
L Museo Ladin de Fascia a Sèn Jan é avert fin ai 10 de setember da la domenia al vender da les 10:00 a les 12:00 e da les 15:00 a les 19:00. L é sera de sabeda e de mèrtesc da les 17:00 se pel se emprevaler de la vijita vidèda. Info sul sit www.istladin.net, prenotazion al 0462 760182.

Atualmenter
Sezions Museo Ladin de Fascia
La sezions sul teritorie é avertes da la domenia al vender e serèdes de sabeda. La Sia a Penia e l Molin a Pera da les 10:00 a les 12:00 e da les 16:00 a les 19:00. L Stont a Ciampedel, l Malghier a Pera e l Segat a Poza demò domesdì da les 16:00 a les 19:00. Ogne setemèna l é na vijita vidèda. Info su www.istladin.net e prenotazion al 0462 760182.

14.08.
Alpinistes a Cianacei
En lunesc ai 14 de aost da les 21:00 te chino de Cianacei per la rassegna Campo Base l é na scontrèda con cater alpinistes de Fascia e Fiem: Sara Segantin, Benedetta Lucarelli, Giorgia Felicetti e Chiara Mazzel.

14.08.
Sera con Matteo della Bordella
En lunesc ai 14 de aost da les 21:00 te piaz de Comun a Poza la giornalista Virna Pierobon rejona con l alpinist Matteo della Bordella, protagonist de gran spedizions, viajes e rampinèdes sun vies che nesciugn aea mai fat inant.

18.08.
Joseph e Benedet a Ispirazions d’istà
En vender ai 18 de aost da les 21:00 te gejia de Pera tel chèder de Ispirazions d’istà, Andrea Tornielli e don Giulio Viviani rejona de la fegura de Joseph Ratzinger che à lascià te la gejia na pedia fona de spiritualità.

13-16.08
Picol marcià de benefizenza a Vich
L Grop Mille Centrini da Vich endreza sie picol marcià de benefizenza. Ai 13, 14, 15 e 16 de aost da les 15:00 a les 19:00 te la sala a pe pian aló da Ciasa Marmolada te Strada Rezia se pel troèr i bie ogec fac a man da la volontadives. Dut chel che vegn ite vegn destinà a projec per operes de ben.

15.08.
Scontrèda con Luca Micheluzzi a Cianacei
En mèrtesc ai 15 de aost da les 17:30 te Piaz Marconi a Cianacei tel chèder de la scontrèdes »Te stua« Luca Micheluzzi prejenta sie liber dedicà a sie besaf l alpinist e menacrep Luigi Micheluzzi.

Chino
Atualmenter
Al chino de Cianacei
Anché, vender ai 11 de aost da les 17:00 l é »Barbie« e da les 21:15 l é »Shark 2-L’abisso« che vegn moscià ence domenia ai 13 semper da les 21:15.

Atualmenter
Al chino de Tieser
Anché, vender ai 11 de aost da les 17:30 l é »Elemental« e da les 21:15 »Noi anni luce«, sabeda ai 12 da les 21:15 l é »Indiana Jones e il quadrante del destino«, domenia ai 13 da les 17:30 l é »La ragazza con i tentacoli« e da les 21:15 »Mission: Impossible Dead Reckoning«, lunesc ai 14 da les 21:15 l é »I peggiori giorni«.

Dotor
Dutor Gherdëina
L dutor de servisc da n sada ai 12.08. dala 08:00 daduman nchin la 08:00 daduman de n lunesc ai 14.08. ie l dutor Valentin Tröbinger de Sëlva, tel. 0471/773073 o l 335 6844944.

Doturs Val Badia
Tla fin dl’edema di 12 y 13 de agost él en sorvisc ti comuns de Mareo y San Martin la doturia Lodovica Mattioni, tel. 328 8590842. Ti comuns da La Val, Badia y Corvara él en sorvisc le dotur Guido Caretta, tel. 0471 836870 o 337 616080.

Apoteca
Apoteca Gherdëina
L’apoteca che ie de servisc ora dl orar urdiner de giaurida, da n sada ai 12.08. nchin n vënderdi ai 18.08. ie chëla de Ciastel, tel. 0471/706323 (orar: lu-ve 8.30-12.00/15.00-19.00. Turnus: sa. 8.30-12.00/16.00-19.00, du. 10.00-12.00).

Apoteca Val Badia
L’apoteca en sorvisc fora dl orar ordinar, dal vëndres ai 11 de agost dales 19:00 al vëndres ai 18 de agost ales 19:00, é chëra d’Al Plan, tel. 0474 501240.

Cursc
19.08.
Workshop por la domanda de laur
Le Consëi de Formaziun d’Al Plan mët a jí n workshop por la domanda de laur cun la consulënta Bettina Grün­felder. Temesc che vëgn tratá: personalité, analisa de inserac, fá domanda sön le dër laur, curriculum vitae y lëtra de presentaziun, consëis d’öga. Termin: sabeda ai 19.08. dales 18:00 ales 22:00, tl salf dla Raiffeisen d’Al Plan. Cost: max. 65,00€ (material lapró). Iscriziuns anter i 10.08. ala mail bettina.gruenfelder@gmail.com

Televijion
Mertesc, ai 15 de aost da les 20:50 ca
Cult: Crëie incö
Program de Daria Valentin y Hanspeter Karbon, a cura de Alessandro Dapunt

Mercui,

• 
•  

View the embedded image gallery online at:
https://www.lausc.it/manifestazions-y-evenc/24543-manifestazions-atuales#sigProId0e15beb88e

ai 16 de aost da les 20:50 ca
Pizes dla Ladinia: Via fereda dl’Ölberg
Program de Manfred Stuffer y Hanspeter Karbon, a cura de Alessandro Dapunt

Juebia, ai 17 de aost da les 20:50 ca
Tassìe: la musega na reisc che se sparpagnea
La musega l é na estension de la cultura e ence te noscia valèdes la se fèsc lèrga tras i joegn per meter en lum na pèrt de tradizion fona che, aldò de neva sburles, la rua a svilupèr autra formes de identità ladina. Program de Cinzia Pistoia, a cura de Anna Mazzel.

Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.

Radio
LADINIA LIVE: microfons daverc sun atualità y cultura. Da aldí vigni mertesc y mercui da les 13:45 ales 14:00

Mertesc, ai 15 de aost da les 13:45 – 14:00
Santa Maria Maiou te Fodom
La festa de Santa Maria Maiou à na gran tradizion te Fodom, en rejonon con Stella Palla de l’Union di Ladins da Fodom. Conduzion Anna Mazzel.
La trasmiscion “DAI CRËPS DL SELA” ie da audì uni di dala 19:05 ala 19:30 sun la frecuënzes de RAI LADINIA

Vender, ai 11 de aost da les 19:05
L FC Gherdëina va su de categoria
L ie n traviert che ne n’ie mo mei unì arjont: l FC Gherdëina fajerà pea l proscimo campionat tla categuria plu auta de Südtirol y jugherà tla “Landesliga”. L presidënt Peter Rabanser ie cuntënt de chësta arjonta ma cun l mudé de categuria ie unì a lum n problem: te Gherdëina ne n’iel nia n ciamp colaudà per pudëi fé la partides a chësc livel.Trasmiscion de Simon Moroder

Sabeda, ai 12 de aost da les 19:05
Momenc de vita: intervista a Christl Videsott Pitscheider
Christl Videsott Pitscheider é chersciüda sö a Picolin, ara á fat la scora mesana a Bornech y spo éra jüda a Balsan a fá la scora por deventé maestra de scolina. Tl 1968 éra stada la pröma maestra dla scolina da Corvara, olache ara á lauré cina che ara é jüda en ponsiun. Christl nes cunta de so laur tla scolina a Corvara y de süa gran pasciun por le cianté, che ara á arpé dantadöt da süa uma. N program de Erika Castlunger

Domenia, ai 13 de aost da les 19:05
Jëuni Rocking Sëlva y la mujiga ladina
“Jëuni Rocking Sëlva”, jëuni fej scassé Selva. L se trata de na manifestazion che vën bele metuda a jì da n valgun ani incà d’instà te Sëlva, dantaldut per i jëuni dla valeda. Y la setima edizion ie unida a s’l dé n sada ai 29 de lugio sun plaza de chemun de Sëlva. Y ntan chësta trasmiscion audions deplu ntervistes cumpaniedes sambën da truepa mujiga ladina, Trasmiscion de Georg Mussner

Mercui, ai 16 de aost da les 19:05
Pacha Mama–Fech
Pacha mama l’é la mere tera tel lingaz quecha e so segnificat più sot l’è chel de recognoscer, valoriser e rispeter la mere tera che ne desc dut chel che aon de besegn per viver. Cater l’è i elemenc fondamentai: fech, ega, aria e tera. Te na lingia de programes jiron a descuerjer aspec poetics, filosofics ma ence problematics de chisc elemenc con Stefen Dell’Antonio. Te chest program rejonaron del fech, element de vita,distruzion ma ence trasformazion, purificazion e pascion. Program de Anna Mazzel

Juebia, ai 17 de aost da les 19:05
Le bosch y sü vardians
Le bosch se á strassomié ti ultims tëmps y ti á dé tröp da ponsé a sü vardians. Te chësc program podunse aldí cai che é i compic di verdabosch y cares che é les majeres desfides de nüsc tëmps por ci che reverda i mudamënc tl ecosistem. Program de Sara Frenner
Informaziuns plü menüdes sön i programs radio y televijion de RAI Ladinia pôn ciafè sön www.raibz.rai.it – Sun l medem sit i programes TV sarà da vedei sota “Mediateca” y les trasmiscions radio sota “Podcast”.

Sozial
Atualmënter
Bancarela dl mangé a Badia
La Bancarela dl mangé a Badia é daverta vigni jöbia dales 9:30 ales 10:30. Families y porsones che á debojëgn ciafa dailó spëisa debann. Ala bancarela pó s’oje la jënt di comuns de Badia, Corvara y La Val.

Atualmënter
Ciamena dal guant a La Ila
La Ciamena dal guant »Neores« a La Ila é daverta vigni vëndres dales 14:00 ales 15:30. An pó dé jö guant y cialzá nia roviná y nëc por mituns da 0 a 14 agn, sciöche ince tasces da scora, elms da jí cun la roda, panolins. An pó spo se tó ci che an adora, por na spënora de 1,00€ por vigni toch – che vá a fin de bëgn.

Atualmënter
Abineda de roba de scola
Abineda de purghes, flucions y roba de scola per la grupa de San Vinzënt de Bulsan. Chi che ëssa velch da dé ca–prëibel mé roba nëta y nia revineda–possa l fé nchin ai 15.08., cherdan su l numer 366 4084919 (Nadia Insam)

Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani de Gherdëina a se nuzé de chësc servisc che vën pità uni merdi dala 12:00 ti trëi luesc de Gherdëina (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 335 1031751, per S. Cristina l 333 1499949, per Sëlva l 335 6558633.

Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).

Sport
14.08.
Giro de le Notole a Moena
En lunesc ai 14 de aost la Monti Pallidi endreza l 48° Giro de le Notole, na corsa de net de 6 chilometres fora per l paisc de Moena. Se ponta demez da les 21:00 da piaz de Sotegrava olache l é ence l travert de la gara e la premiazions.

13.08.
Set Mases a Soraga
En domenia ai 13 de aost la 3Esse de Soraga endreza la 47^ edizion de la corsa a pe Set Mases. I concorenc ponta via da les 10.00 da Pra de Preve e i cogn corir 8 chilometres fora per paisc e si ciantons. Do la gara marena e musega te Pra del Preve.

Atualmënter
Iscrizions curs per purvé l sport dl volley
Es’a nce tu ueia de purvé l sport dl volley y ies nasciù danter l 2012 y l 2016? Pona scrì te ite a nosc curs per purvé che vën a s’l dé ala fin de agost sun l ciamp da beach volley dal Tennis Urtijëi. La iscrizions ie daviertes nchin ai 15.08. sot al numer 333 1666922.

Uni juebia
Ancunteda de sauté
I Gherdëina Runners mët a jì na ancunteda cun alenadëur per miuré la tecnica de sauté y per mparé leprò n con’ de chësc sport, uni juebia dala 19:00 nchin la 20:00 sun l ciamp dal sport Mulin da Coi. Dutes y duc ie de cuer nviei:des.

17.08.
HC Gherdëina vs. S.G. Cortina
L turnoi pre-sajunel dl Hockey-Elitetrophy ladin vën a s’l dé uni ann de agost: la partida dl HC Gherdëina contra l S.G. Cortina sarà n juebia ai 17 de agost dala 20:45 tl stadio Pranives te Sëlva.

19.08.
Show sun dlacia cun Carolina Kostner
Apasciunei:des de jadiné artistich puderà udëi de bela coreografies, danter l auter dla icona Carolina Kostner, n sada ai 19 de agost dala 21:15 inant, tl stadio Pranives te Sëlva. Chertes danora pra la Lia dl turism de Sëlva. Cost: jëuni:es, 6–16 ani: 20,00 €; granc:des, dai 16 ani insù: 36,00 €.

Mostres y ert
Atualmënter
Mostra »Canche l pluef ie mi cuer desnut«
La mostra tl self dla mostres dl Circolo–Lia Mostra d’Ert sarà da udëi nchin doduman, 13 de agost, dal lunesc nchin al vënderdi dala 16:00–19:00 y de sada y dumënia dala 10:00–12:00 y 16:00 – 19:00.

20.08.
Mostra de fonc
Sun Plaza de Chemun de Sëlva uniràl metù ora d’uni sort de fonc, ai 20.08. dala 09:00 inant.

Atualmenter
Migranc da la Dolomites en mostra a Poza
Per dut l meis de aost te Ciasa de Noscia Jent a Poza se pel veder la mostra de la storica fodoma Luciana Palla su la migrazions da la Dolomites del ‘900. La sarà averta fin ai 31 duc i dis da les 17:00 a les 19:00 e da les 21:00 a les 22:00.

Atualmënter
Mostra de Silvia Nava
Cina ai 25 d’agost él da odëi tla Ciasa dla Cultura a La Ila la mostra »Immersi nella bellezza« cun operes de Silvia Nava. La mostra é daverta dal lönesc al vëndres dales 9:00 ales 12:00 y dales 15:00 ales 18:00; sabeda y domënia dales 17:00 ales 19:00.

Atualmënter
Mostra Unika
Cina ai 22 d’agost ospitëia le paisc da Corvara la mostra d’ert »Unika«, olache an pó amiré operes de scolturs, depenjadus y fotografs dla uniun di artisć de Gherdëna. La mostra é davertavigni de dales 17:00 ales 22:00, tl salf dles manifestaziuns da Corvara.

Atualmenter
Mostra marcià de solidarietà a Moena e Vich
Enfin ai 20 de aost la Coprativa Don Bosco 3A met fora guanc, tepees e bechec realisé ti taller de l’Operazione Mato Grosso tel Perù. La mostra marcià é averta a Vich te Piaz de Vich e a Moena te strada de Gocialch (vejin a la Posta) con orarie da les 9:00 a les 12:30 e da les 15:30 a les 19:00.

Atualmënter
Orares dl Museum Gherdëina
L Museum Gherdëina tla Cësa di Ladins a Urtijëi ie daviert dal lunesc nchin al vënderdi dala 10:00 -12:30, 14:00 - 18:00. Nchin ala fin de agost iel nce daviert la sada dala 10:00 -12:30. Per vijites ora dl orar reguler pòssen cherdé su danora: 0471 797554.

Presentazions
Atualmënter
»N liber - Na mont«
La lingia de prejentazions de libri cun autëures va inant: i libri scric da autëures taliani:es, unirà prejentei tla Cësa di Cungresc a Urtijëi, for dala 17:30. N mierculdi ai 16.08. prejenterà Carlo Cottarelli si liber »Chimere« y l di do, n juebia ai 17 de agost, cunterà Beppe Severgnini de si liber »Italiani si diventa«

Atualmënter
Alta Badia: »Un libro un rifugio«
Pro l’iniziativa »Un libro un rifugio« vëgnel tigní chëst’edema 2 apuntamënc, dales 17:30 tl salf dles manifestaziuns da Corvara: ai 12.08. cun Antonella Viola y ai 17.08. cun Carlo Cottarelli. Implü vëgnel organisé ai 16.08. dales 21:00, tres a Corvara na serada dedicada ai 20 agn dla manifestaziun. Auturs taliagn porta dant avenimënc sozedüs tl monn dal 2003 incá, cun acompagnamënt musical.

Segres y festes
14.08.–15.08.
Festa dla Gran Santa Maria
La festa vën metuda a jì dai Destudafuech de Sëlva, ai 14 de agost dala 18:00 inant sun la Plaza de Chemun de Sëlva. L sarà de bela mujiga y sambën puderàn se maië y bever zeche de bon.

11-13.08.
Sègra de Sèn Roch
L Grop de la Mèscres de Dèlba e Penia fèsc festa per la sègra de Sèn Roch dai 11 ai 13 de aost lo da la veia sia de Penia. En domenia ai 13 messa da les 10:00, conzert de la Musega de Piné, da les 3 domesdì defilèda di gropes folk e musega fin tèrt.

Temp liede
Uni lunesc
Kids Night–juesc y devertimënt per mutons:ans
La manifestazion vën a s’l dé sun Plaza Nives te Sëlva dala 20:00 inant uni lunesc nchin ai 4 de setëmber.

Uni merdi
Pastelné cun materiai naturei
Sun Pitla Plaza de Sant Antone a Urtijëi puderà i mëndri y la mëndres pastelné cun materiai naturei, uni merdi dala 14:30 nchin la 18:00.

Uni merdi
Marcià di paures y artejans
L vën inò metù a ji l marcià tradiziunel di paures y artejans, tl raion de jì a pe de S. Cristina dala 19:00 inant.

Uni mierculdi
Cumpré ite da sëira
La butëighes de Urtijëi sarà daviertes uni mierculdi sëira dala 21:00 nchin la 22:30.

Uni mierculdi
Marcià de prudoc dl luech
L pitl marcià de prudoc dl luech sun Pitla Plaza de Sant Antone a Urtijëi ie inò daviert. I stonc sarà davierc dala 15:00 nchin la 19:00.

Uni mierculdi
Marcià sun Plaza Nives
L marcià tradiziunel, ulache n puderà cialé, ciarcë y cumpré roba y spëisa locala, unirà a s’l dé uni mierculdi, 14:30 - 17:00 sun Plaza Nives te Sëlva.

Uni juebia
Sëira per mutons:ans cun l Strion Bryan
Tl Zënter Iman uniral metù a jì uni juebia na sëira de aurela curta, juech y devertimënt cun l strion Strion Bryan, for dala 20:30 inant.

Uni vënderdi
Butëighes daviertes te Sëlva
La butëiges de Sëlva sarà daviertes da ncuei inant uni vënderdi sëira nchin ai 18.08., for dala 21:00 nchin la 22:30.

11.08.
Vedrines vives te Sëlva
N vënderdi ai 11.08. da sëira, dala 21:00 inant, unirà la vedrines dla butëighes de Sëlva metudes n vita cun de bela coreografies.

13.08.
Horse Festival Pozzamanigoni
La scola per ji a ciaval FISE Pozamanigoni nvieia ala nona edizion dl festival de ciavei, n dumënia ai 13 de agost dala 11:00 inant. L sarà n di de aurela curta, cun de bela mujiga dal vif y desmustrazions a ciaval.

14.08.
Tradizions te Gherdëina
Tl zënter de Urtijëi uniràl prejëntà la tradizions, l’ert y l guant dala gherdëina ntan la sëira di 14 de agost, dala 21:00. La Grupa de bal de Urtijëi purterà dant vel’ bal.

15.08.
Defileda dla trohtes te Sëlva
La defileda tradiziunela sarà n merdi ai 15 de agost dala 16:00 te Sëlva y jirà tres la streda Nives y Mëisules, per ruvé pona sun Plaza de Chemun, ulache n puderà se maië y bever zeche.

15.08.
Berstot di pitli y dla pitles
Ai 15 de agost, dala 14:30 nchin la 18:00 possa i:la mëndri:es pastelné n »hotel per nsec« sun Pitla Plaza de S. Antone. L lëur puderàn se tò pea a cësa. Priesc: 15€.

15.08.
Gran Santa Maria
La Santa Mëssa per zelebré la Gran Santa Maria, ai 15 de agost, sarà dala 09:00 tla dlieja de S. Durich. L unirà benedì craitles de varijon y ciofs. Do mëssa saràl la defileda dla trohtes tres l raion da jì a pe nchin sun Plaza de S. Antone, cumpanieda dala mujiga dl Trio Ladinia (c. nfurmazion a pert tla rubrica »Musiga«). Dala 21:30 sunerà »The Queen Project« sun pitla Plaza de Sant Antone.

18.08.
Espusizion de Vespes
L Vespa Club Gherdëina nvieia a na espusizion de Vespes, n vënderdi ai 18 de agost dala 19:30 sun Plaza Nives te Sëlva.

Atualmënter
La Val: ala descurida dl paisc
Fora por i mëisc da d’isté pón tó pert a na ciacia al tesur particolara fora por le paisc da La Val. Ara se trata de na spazirada interativa da na staziun al’atra fora por les fraziuns dl paisc cun le travert da ciafé la parora de soluziun. Dötes les informaziuns y i materiai da pié ia ciafon tl ofize turistich da La Val.

11.08.
Iuminaziun dl Sassongher
Incö vëndres ai 11 de agost a Corvara. La manifestaziun mët man dales 20:45 y vëgn abelida dala Müjiga Calfosch/Corvara, che fej n’entrada tres le zënter y tëgn spo conzert sön paiun. Le crëp de Sassongher gnará ilominé da n valgügn mëmbri dl Aiüt Alpinisć Alta Badia. Te chësta ocajiun él le cogo Simone Cantafio che vënn te salf dles manifestaziuns buhtli por n bun fin.

13.08.
De dl Movimënt
En domënia ai 13 d’agost á les families cun mituns la poscibilité da passé n bel de tles munts cun momënc de devertimënt y ativités alaleria – dales 10:30 ales 15:00, tl parch Movimënt sön Piz La Ila.

14.08.
S’incuntun te biblioteca
En lönesc ai 14 d’agost é mitans y mituns dla elementara inviá dales 15:00 te biblioteca d’Al Plan, olache al vëgn cunté stories, fat jüc y pastelné. Chësc gnará spo ince fat ai 22 d’agost te biblioteca da La Val, ai 23 te chëra da Calfosch y ai 25 te chëra da La Ila. Organisaziun: Biblioteca Sas dla Crusc.

14.08.
Ti ciaré ai implanc portamunt
En lönesc ai 14 d’agost pón jí a vijité i implanc portamunt »Impianti Colfosco«. An s’incunta dales 16:30 pro la plaza dai auti »Pera Ciaslat« a Calfosch. Prenotaziuns ti ofizi turistics dl’Alta Badia o online.

15. y 18.08.
Nos Ladins
Tres l’iniziativa »Nos Ladins« pón descurí le monn ladin deboriada cun porsones dl post. En mertesc ai 15 d’agost dales 14:30 pón daidé arjigné ca n ciar por tó pert spo ala defilada. En vëndres ai 18.08. dales 15:00 s’incunton a La Ila cun Matthias, che mostra co realisé operes fora de toc de lëgn. Prenotaziuns ti ofizi turistics dl’Alta Badia o online.

16.08.
Laborators didatich tl Museum Ursus ladinicus
Le mercui ai 16 de agost pó i mituns tó pert a döes incuntades didatiches, tl Museum Ladin Ursus ladinicus a San Ciascian: dales 16:30 ales 17:00 pó mituns da 7 a 12 agn imparé val’ sön les Dolomites y dales 17:00 ales 18:30 pó mituns da 4 a 8 agn vijité le museum. Prenotaziuns pro le Museum ladin.

16.08.
Sëra dla porta daverta pro i Stödafüch da La Val
En mercui ai 16 de agost dales 21:15 inant él i Stödafüch da La Val che dá la poscibilité da ti ciaré al magazin y ales mascins che ai adora. Pici y gragn é bel inviá.