La Usc di Ladins

Chino
Atualmenter
Al chino de Tieser
En vender ai 2 de aost da les 21:15 l é »Twisters«, sabeda ai 3 da les 21:15 l é »Fly me to the moon«, domenia ai 4 da les 17:15 l é »Inside Out 2« e da les 21:15 l é »Deadpool & Wolverine«. Lunesc ai 5 da les 17:15 vegn moscià »Ro­binson Crusoe« e mèrtesc ai 6 da les 21:15 »Io & Sissi«, per chisc doi film l cost del biliet é de 3,50 euro. Program su www.cinematesero.com

Cursc
06. – 08.09.
Curs: Depënje tla natöra
Trëi dis dedicá ala pitöra, tl curs da depënje cun l’artista Silvia Nava, che vëgn tigní dai 6 ai 8 de setëmber. Le curs é alaleria tla Val Badia, y sce le tëmp é burt, spo tl pice salf de comun a La Val. Al curs pó tó pert chi che ó s’avijiné ala tecnica de pitöra a acuarel, o chi che ó l’apro­fondí. Al é da s’anunzié anter i 20 d’agost ala mail silviana va13@gmail.com

Sozial
Atualmënter
Abineda de roba de scola
Abineda de purghes, flucions y roba de scola per la grupa de San Vinzënt de Bulsan. Chi che ëssa velch da dé ca–prëibel mé roba nëta y nia revineda – possa l fé nchin ai 04.08., cherdan su l numer 366/4084919 (Nadia Insam).
Atualmënter
Picolin: portina por l’assistënza y cura
La Portina por l’assistënza y cura é daverta trëi iadi al’ede­ma: le lönesc dales 14:00 ales 16:00, le mercui y la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun soziosa­nitar a Picolin, tl’alzada a tera sön la man ciampa. Chiló vë­gnel dé informaziuns y so­stëgn por les chestiuns che reverda le guern y l’assi­stënza.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani de Gher­dëina a se nuzé de chësc ser­visc che vën pità uni merdi dala 12:00 ti trëi luesc de Gher­dëina (Urtijëi Cësa de Cultura; S. Cristina Cësa de Che­mun; Sëlva Stua di Se­niores). L ie da se lascé nuté su nchin al di dant da mesdì, cherdan su: per Urtijëi l 333 7877095 (Marisa), per S. Cristina l 333 1499949, per Sëlva l 335 6558633.

Sport
03.08.
Torné de nöt a San Martin
I Jogn da San Martin inviëia chësta sabeda al torné de nöt dl jüch al palé »Pradel Cup« a San Martin. Le torné mët man dales 16:00. Düc é inviá da soghé para, ciaré pro y fá n pü’ festa.

Radio
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
06.08.
L è endò chiò l Val di Fassa Panorama Music!
Dales 14:45. Fora per dut l’istà, su e ju per la monts de Fascia, se podarà se embater te più conzerc de musega dal vif. Ence chest an l é endò chiò l Val di Fassa Panorama Music e desche semper l ne portarà delaite de la melodies del blues & jazz ma ence de etres sons con artisc ladins e internazionèi. Per curiosèr vindedò la coltrines de chisc apuntamenc domanaron zeche de più a Enrico Tommasini, diretor artistich del festival. Conduzion Cinzia Pistoia.
02.08.
Truëp jëuni va d’instà a lauré
Dales 19:05. Cater jëuni de Gherdëina, Lena Moroder, Nicol Insam, Hannes Tauber y Leon Mussner nes conta mpue de si sperienzes de lëur. Trasmiscion de Georg Muss­ner.
03.08.
Momënc de vita – intervista a Lorenzo Soratroi
Dales 19:05. Lorenzo Soratroi é chersciü sö a Retic, na picera vijinanza de Fodom, olache al vir ciamó aldedaincö. Al laora pro i lifc y te so tëmp lëde se dedichëiel tröp ales uniuns de Fodom y a scrí por La Usc di Ladins y por le Corriere delle Alpi. N program de Erika Castlunger.
04.08.
L lëur dl calighé
Tl ann 1762 ova dodesc perso­nes te Sëlva detlarà sciche lëur chël da calighé. Sëlva vën mo al didancuei servida da doi caligheies. Un de chisc ie Roman Pitscheider de Palo­nia che ie nce calighé orto­pedich y conta de si lëur y de coche l se à svilupa ti ani. Tras­miscion de Alex Rung­galdier.
07.08.
Cuartet leterer – »Gezahnt wie der Kiefer eines Alligators«
Dales 19:05. L cuartet leterer, pro­gram de descuscion sun opres letereres, cun autores y critics de leteratura ladina njnuet n terzet prejënta l’au­tora Ingrid Runggaldier per rujené de si liber »Gezahnt wie der Kiefer eines Alligators« – »Dentà sc’che n gramblin de n aligator«. N program de Rut Bernardi cun Roland Verra y Mateo Taibon, a cura de Anna Mazzel.
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
08.08.
I edli nes dij tröp deplü de ci che an vëiga
Dales 19:05. Le bio-opto­metrist conscidrëia i edli sciöche pert liada a n sistem organich global y de ci che ara nen va tl detail, nes dij te chësc program, le espert optometrist Alex Flaim. N program de Sara Frenner.

Televijion
06.08.
Pizes dla Ladinia
Dales 20:50 ca. Program de Manfred Stuffer y Hanspeter Karbon, a cura de Alessandro Dapunt.
07.08.
L dauní udú dai ladins: Pudëi viver y sté
Dales 20:50 ca. Terles stlutes, degun ciofes sun balcon y de gran ierba che crësc te verzon: for plu y plu cëses cëla ora nscila tla valedes ladines. Davia che trueps uel unì n feries tla Dolomites, ie l valor dla cëses jit su dassënn. La families jëunes ne possa suvënz nia plu resté a viver tla Ladinia. Nsci ie l pericul grant che la rujeneda ladina vede perduda. Program de Elisabeth Kostner, a cura de Anna Mazzel.
08.08.
Deboriada: L mond tres i uedli di jeuni (2 pert)
Dales 20:50 ca. »L ne ie nia la persones che fej i viages, ma i viages che fej la persones«, scrijova l autëur american John Steinbeck. Max Moroder, Rudi Kostner y Fabio Brunello ie trëi persunajes che ie jic truep de viac, ma che ti ie dan­taldut jic permez ala ven­tura cun uedli desfrënc de chëi dl turist tlassich. Program y cunzet: Ivan Senoner, tai: Georg Penn, a cura de: Leo Senoner.

Temp Lede
Atualmënter
Chino d’instà
Tla Biblioteca San Durich a Urtijëi uniràl mustrà de plu films per mutons y mutans, for de juebia dala 17:00: l ultimo apuntamënt ie ai 8 de agost. L program di films ie da udëi te biblioteca.
Uni lunesc
Kids Night – juesc y deverti­mënt per mutons y mutans
La Lia dl Turism de Sëlva nvieia a chësta manifestazion, che vën a s’l dé sun Plaza Nives te Sëlva dala 20:30 inant uni lunesc nchin ai 19 de agost.
Uni merdi
Te conte na storia
Tla Biblioteca Tresl Gruber a S. Cristina uniràl liet dant na storia adateda per mutons y mutans danter i 4 y i 9 ani, for de merdi, dala 09:30 nchin la 10:15. N merdi de chëst’ena che vën, ai 6 de agost, pre­jënterà Michela Salizzato, autëura cunesciuda de libri per mutons:ans, si nueva publicazions.
Uni mierculdi
Marcià de sëures y de tradizions
Uni mierculdi nchin ai 7 de agost saràl sun Plaza Nives de Sëlva, for dala 14:30 nchin la 19:00, n marcià de sëures y de tradizions, ulache n possa ti cialé, purvé o cumpré de bela cosses dl artejanat tradi­ziunel y maië velch de bon dl raion.
Uni vënderdi
Cumpré ite da sëira a Urtijëi
La butëighes de Urtijëi sarà daviertes uni vënderdi sëira (nchin ai 16.08.) dala 21:00 nchin la 22:30.
Uni vënderdi
Butëighes daviertes te Sëlva
La butëiges de Sëlva sarà daviertes da ncuei inant uni vënderdi sëira nchin ai 23.08., for dala 21:00 nchin la 22:30.
Uni sada
Sunset Aperitif
Uni sada vëniel metù a jì dala DanterEat (stazion japé dla Dantercëpies) n aperitif dala 16:00 inant, per amiré coche l surëdl va dojù y la bela mon­tes, sambën dut cumpanià da de bela mujiga.
02.08.
Circen Dolomites Festival con Camilla Ruzzu
Insnet, vender ai 2 de aost da les 18:00 te Pra del Preve de Soraga, tel chèder del Circen Dolomites Festival, apericena con »Degrado da radici« l projet musical de Camilla Ruzzu, la joena del 2001 da Ciampestrin.
02.08.
Storia de 15 menuc
La biblioteca de San Durich a Urtijëi nvieia mutons y mu­tans a unì a scuté su la »Storia de 15 menuc«, lieta dant da Nicoletta, ncuei vënderdi ai 2 de agost dala 15:00.
02.08.
Soraga Circen Festa
Se sera su insnet, vender ai 2 de aost da les 21:00 te Pra del Preve de Soraga (se l é burt temp te La Gran Ciasa) l Soraga Circen Festa con l spetacol ‘Sunsom’ di jogolieres de Circensema.
02., 06. y 09.08.
Al Plan: Marcé da paur
Sön le marcé da paur »Agri­colart« a Al Plan ciafon de vigni sort de produc da nüsc lüsc. Le marcé vëgn tigní incö vëndres ai 2 d’agost sön le lüch de Corcela y en vëndres ai 9 d’agost sön le lüch »Tlò Plazores«, dagnora dales 16:00 ales 19:00. Lapró le ciafon ince en mertesc ai 6 de agost dales 10:00 ales 12:30, sön plaza de dlijia.
04., 06. y 08.08.
Kidshour – devertimënt por mituns sö alalt
Pro le parch »Movimënt« sön Piz Sorega vëgnel metü a jí ai 4, 6 y 8 d’agost jüc, anima­ziun y devertimënt por mituns da 5 a 10 agn. La manifesta­ziun vëgn tignida vigni mer­tesc, jöbia y domënia dales 13:30 ales 17:00, cina ala fin de setëmber. Iscriziuns online o ti ofizi turistics dl’Alta Badia.
05.08.
Tel cher de Penia
En lunesc ai 5 de aost con sco­­menz da les 20:00 vegn endrezà tel Cher de Penia con degustazions, mestieres e musega.
05.08.
»Sonns tla natöra«
En lönesc ai 5 d’agost dales 11:00 él sö La Crusc la mani­festaziun »Sonns tla natöra«, na sesciun de massaja dl sonn cun les vibraziuns dl gong, che condüj te na condiziun de meditaziun y relassamënt. Iscriziuns online o ti ofizi turistics dl’Alta Badia.
05.08.
Imparé deplü sön i pra y le sié
Tla cornisc dla iniziativa »Atira« vëgnel tigní en lönesc ai 5 de agost na escurjiun olache an pó imparé deplü sön i prá y sciöche ai vëgn siá y mantignis. L’escurjiun cun Gottfried pëia ia dales 9:30 pro le Lüch da Murin a Badia. Iscriziuns online o ti ofizi turi­stics dl’Alta Badia.
06.08.
De dl Movimënt sön Piz La Ila
En mertesc ai 6 de agost pó mituns y families tó pert a n de de animaziuns, devertimënt y magia pro le parch Movimënt sön Piz La Ila. La manifesta­ziun mët man dales 10:30 y vá inant cina ales 12:00. I mituns pó ince se lascé de­pënje sö le müs.
07.08.
Raida di mejes sa Sacun
L Museum Gherdëina mët a jì na raida pra i mejes Mëune y Peza y ala dlieja da Sacun. N se anconta dala 9:00 tl Museum Gherdëina, ulache l sarà na ntroduzion ala storia y arpejon architetonica da paur de nosta valeda. La jita fina via sa Sacun dala 13:00 sa Somont pra la fermeda dla curiera. L vën furnà su cun l Citybus. Iscrizions: nchin al din dant, merdi, dala 18:00 tl Museum Gherdëina: 0471 797554.
07.08.
Trix, sëira de juesc da mëisa per jëuni
N mierculdi ai 7 de agost dala 19:30 inant tla biblioteca Tresl Gru­ber a S. Cristina. L vën pità juesc da mëisa per uniun. I juesc ve unirà cunsiei y spie­ghei dai cumëmbri dla lia Trix.
07.08.
Sëira de bai tradiziunei cun la Grupa Balarins Gherdëina Urtijëi
Sun Plaza Nives te Sëlva saràl na sëira de bal cun la Grupa Balarins Gherdëina Urtijëi, n mierculdi ai 7 de agost, dala 21:00 inant.
07.08.
Fashion Walk a Urtijëi
Tl raion da jì a pe de Urtijëi prejenterà la butëighes da tlo Sport Gardena, Pienne 74, Duca di San Giusto und Luis Trenker si culezions nueves, n mierculdi ai 7 de agost dala 21:00.
07.08.
Golosando a Soraga
En mercol ai 7 de aost con scomenz da les 18:30 te Pra del Preve a Soraga vegn en­drezà Golosando, con magnè­res, mestieres e musega.
08.08.
Entorn Vich
En jebia ai 8 de aost con sco­menz da les 19:30 vegn en­drezà Entorn Vich, n percors eno-gastronomich fora per paisc con musega, mestieres e jeghes per bec.
08.08.
La Ila: domisdé cun jüc da mësa
Le pulmin di jüc dl »Spiele­verein Dinx« storj pro en jöbia ai 8 de agost dales 15:30 ales 17:30 a La Ila. Te biblioteca pó pici y gragn passé n do­misdé cun na gran cerna de jüc da mësa. N espert dá con­sëis y spliga les regoles. Al é ince la poscibilité da s’impresté fora jüc.
08.08.
Corvara: devertimënt por mituns
En jöbia ai 8 d’agost pó pici y gragn tó pert a n teater cun i dui romuns dala plöia Miki & Piki, pro le paiun da Cor­vara. Dales 15:00 inant insë­gnai le valur da reziclé y dl ambiënt.
08.08.
Leziuns de yoga
En jöbia ai 8 d’agost dales 15:45 pón tó pert a na leziun de yoga tla natöra, sön Piz Sorega, adöm cun Alexandra. Iscriziuns online o ti ofizi tu­ristics dl’Alta Badia.
08.08.
Sëira per mutons:ans
Na blòta sëira de aurela curta per mutons y mutans vën metuda a jì ai 8 de agost, dala 20:30 tl Zënter Iman. »Daniele and friends« i fajerà devertì cun striunëc, mujiga y popes che rejona.
09.08.
VKE Fantasy Festival 2024
N vënderdi ai 9 de agost mët l VKE Gherdëina a jì n domes­dì de juesc y devertimënt sun Plaza de Chemun de Sëlva, dala 14:30 nchin la 19:00.
09.08.
»Danter ega y tera« te Ciasa dl Parch
En vëndres ai 9 d’agost dales 15:00 ales 16:30 él te Ciasa dl parch a Al Plan le laboratore Natöra de Daksy, por mitans y mituns da 6 a 12 agn. Le tema é »Danter ega y tera – I anfibs de Südtirol«. Al é da s’anunzié anter la jöbia dales 18:00 al 0474 506120. Le vëndres ai 12 d’agost nen jarára dl tema »Tru dles Lion­des – Le Rëgn de Fanes«.

Mujiga
02.08.
Serada folcloristica y conzert
Incö vëndres ai 2 d’agost dales 21:00 él sön paiun da San Martin na serada folcloristica cun la Musiga da San Martin de Tor y la Uniun Bal Popular.
02.08.
Conzert dla Müjiga Calfosch – Corvara
La Müjiga Calfosch – Corvara tëgn conzert incö vëndres ai 2 de agost dales 21:15, sön plaza de dlijia a Calfosch. Sce al foss bur’ tëmp, é le conzert te salf dles manifestaziuns a Corvara.
02. – 04.08.
Badia Music Days
Dai 2 ai 4 d’agost vëgnel tigní pro le paiun de Badia le festival »Badia Music Days«, cun mu­siga pop, blues y rock, cun tribute bands y grups dl post. Le festival mët man le vëndres ai 2 dales 18:00.
04.08.
Cianté y soné sön munt
En domënia ai 4 d’agost dales 13:30 inant pón aldí tla Ütia La Tambra sön Ciaulunch le grup »Arton Duo« cun Mattia y Giovanni Demetz.
04-07.08.
Panorama Music a Pera e Moena
En domenia ai 4 de aost da les 17:00 al For You Bistrot a Pera, tel chèder de la rasse­gna ‘Fascia Panorama Music’, l é Marco Delladio & Matteo Rossetto. En mercol ai 7 de aost da les 17:30 te sala Rovisi de Moena l é la poesia de la poeta ladina Roberta Dapunt con la museghes de Marcello Fera.
05.08.
Conzert del Cor Enrosadira
En lunesc ai 5 de aost da les 21:00 tedant la gejia de Sèn Roch de Someda conzert del Cor Enrosadira de Moena vidà da la maestra Barbara Pedrotti.
06.08.
Conzert del Cor Note Blu
En mèrtesc ai 6 de aost da les 21:00 jun Ischia conzert del Cor de eles de la scola de musega Il Pentagramma ‘Note Blu’ del maester Ilario Defran­cesco.
06.08.
Conzert del Coro Nosc
En mèrtesc ai 6 de aost da les 21:15 l Coro Nosc, vidà dal ma­ester Peter Decrestina, porta dant n conzert te piaz de Festil de Soraga.
06.08.
Cunzert: La cater sajons de Antonio Vivaldi
Ai 6 de agost sunerà l Ensem­ble criatif, metù adum da de plù solisć de urchestres talia­nes, l bel cun­zert de »La cater sajons« de Antonio Vivaldi. I sunerà tla dlieja de Sëlva dala 21:00 inant.
06.08.
Sëira da culëures sa Bula
N merdi ai 6 de agost dala 21:00 inant uniràl metù a jì chësta festa de mujiga sun plaza de dlieja tl Pavillon sa Bula, ulache l sunerà l cuartett »De Cater«, l »Aron Duo« y i »Alpler Plattler Gitschn«.
07.08.
Sëira de cianties
Tl zënter Iman a S. Cristina cianterà l Cor Sasslong y l Cor di Jëuni S. Cristina, n mier­culdi ai 7 de agost dala 21:00 inant.
7/12/13.08.
Conzerc del Ensemble Canticum Novum
L Ensemble Canticum Novum da Moena con sie diretor Ilario Defrancesco porta dant n nef program de conzerc de musega sacra dal titol »Suoni Sospesi«. Apuntament en mercol ai 7 de aost da les 21:00 te gejia de Sèn Vigile a Ciavaleis, ai 12 de aost te gejia del Sacro Cher de Cianacei e ai 13 de aost te gejia de Sèn Vile de Moena.
08.08.
Cunzert dla Mujiga da Bula
La Mujiga da Bula sunerà n juebia ai 8 de agost dala 21:00 sun Plaza de Urtijëi. Sce l ëssa da vester bur’ tëmp, unirà l cunzert fat tla sala »Luis Trenker« tla Cësa di Cungresc.
08.08.
Cunzert dla Mujiga de Persenon
La Mujiga de Persenon dajerà si cunzert sun Plaza de Che­mun de Sëlva, n juebia ai 8 de agost dala 21:00 inant.
08.08.
Conzert pro le lové dl sorëdl sön Piz La Ila
En jöbia ai 8 d’agost dales 6:30 él sön Piz La Ila le »Sun­rise Concert«, n conzert tratan le lové dl sorëdl, cun le vidorist Andrea Casta y le ghest spezial Marco Falagiani. Do le con­zert pón gosté tla ütia Club Moritzino. Chertes pón cum­pré sön https://shop.dolomiti superski.com/
10.08. y 11.08.
»In the flow of time«, dla Urchestra Sonoton
L’urchestra Sonoton dajerà n bel cunzert sot ala bachëta de Alex Designori, n sada ai 10 de agost dala 20:30 y n dumënia ai 11 de agost dala 18:00, sun plaza de Chemun de Sëlva. L unirà sunà mujiga de films de John Williams, Hans Zimmer, John Powell y trueps d’autri. La ntreda ie de 15 euro. La cassa da sëira gëura for n’ëura dan l cunzert.

Publizistica
Atualmënter
Incuntades cun l’autur tl’Alta Badia
Chisc é i apuntamënc di pro­scims dis: ai 03.08.: »A te vicino così dolce« de Serena Bortone; ai 04.08.: »Pioggia« de Maurizio De Giovanni; ai 07.08.: »Tutta la vita che resta« de Roberta Recchia. Chëstes incuntades é dötes dales 17:30, tl salf dles manifestaziuns a Corvara. Ai 05.08. él dales 10:30 pro la Ütia Lé a Badia la presentaziun de »Anni d’oro« de Arno Camenisch.
05.08.
N liber – na mont: ancunteda cun l autëur Paolo Crepaz
Per la lingia dla ancuntedes cun i autëures iel n lunesc ai 5 de agost dala 17:30 a Urtijëi tla Cësa de Cultura l’ancun­teda cun Maurizio De Gio­vanni, scritëur dl liber »Pioggia – per i bastardi di Pizzol­falcone«.
08.08.
Ancunteda cun l’autëura: »Fabules da d’ansciuda« de Maria Paola Asson
Tla biblioteca Oswald von Wolkenstein vëniel metù a jì chësta ancunteda n juebia ai 8 de agost dala 17:00.
08.08.
Domisdé cun jüc te biblioteca
En jöbia ai 8 d’agost tla biblio­teca a La Ila vëgn indô le pulmin dl »Spieleverein dinx«. Gragn y pici podará cerne danter tröc jüc da mësa, che gnará aconsiá y spligá da n mëmber dl’uniun. Le domisdé cun jüc piará ia dales 15.30. I jüc vëgn ince imprestá fora.
08.08.
N liber – na mont: ancunteda cun l autëura Antonella Viola
Per la lingia dla ancuntedes cun i autëures iel n juebia ai 8 de agost dala 17:30 a Urtijëi tla Cësa de Cultura l’ancun­teda cun Antonella Viola, scritëura dl liber »Il tempo del corpo«.

Segres y Festes
04.08.
70 ani Cësa di Ladins
N ucajion di 70 ani dla Cësa di Ladins a Urtijëi, nvieia la Union di Ladins de Gherdëina a na bela festa, n dumënia ai 4 de agost. Dala 9:00 saràl la Gran Mëssa ladina te dlieja de San Durich y dala 10:00 nchin la 13:00 festa dan la Cësa di Ladins, ulache l sunerà la grupa Acajo.
04.08.
Gran festa cun i guanc dala Gherdëina
N dumënia ai 4 de agost dala 16:30 inant saràl a Urtijëi la gran defileda tradiziunela »Grö­den in Tracht«.
10.- 11.08.
Festa da d’instà di Destudafuech de S. Cristina
I Destudafuech de S. Cristina mët a jì la festa da d’instà ai 10 y 11 de agost tl Zënter Iman a S. Cristina. La festa scumëncia n sada dala 18:00. N dumënia sunerà vel’grupa dala 10:00 inant y dala 16:00 saràl pona la defileda de trohtes dla valedes ladines. L ne mancerà nia da maië y da bever.
03. y 04.08.
Festa dl paisc d’Al Plan
Chësta fin dl’edema inviëia la Musiga d’Al Plan ala festa dl paisc, tl tendun pro paiun. Le program mët man la sabe­da sëra, olache al sonará dales 19:30 »Lu&Me y band« y dales 22:00 le grup »Alter Ego«. La domënia dales 11:00 él mati­née cun la Musiga da Schabs y dales 13:30 defilada dles mu­sighes da Raiscia, Funes y Schabs. Les musighes da Raiscia y Funes tëgn conzert dedô. Dales 19:00 musiga cun le grup »Südtiroler Rifflblech«.
04.08.
Festa alaleria a Corvara
La Müjiga Calfosch-Corvara y i Ciantarins da Corvara in­viëia düc dër bel ala festa ala­leria, en domënia ai 4 d’a­gost dales 10:30 tl pinëi (pine­ta) a Corvara. Danmisdé sarál la Böhmische da La Ila che sona, dales 12:30 sona la Musiga da Vöran, dales 14:30 la Mu­siga di jogn dla Val Badia y dales 15:30 la Musiga da San Mar­tin. Dales 17:30 musiga cun i »VolxBrass«.
07.08.
Paisc en festa
En mercui ai 7 d’agost dales 16:00 inant él tl zënter da San Ciascian le »Paisc en festa«, olache an pó ciarcé speziaries y duciaries dl post, s’la spaziré fora por le marcé artejanal y ascuté musiga de »Julian & Wisetime Band« y di »Volx­rock«.

Mostres y Ert
Atualmënter
Mostra coletiva »online to heaven«
Tla galaria Vijion a Puntives iel da udëi nchin ai 26 de agost la mostra coletiva dal titul »online to heaven«. Orares: dal lunesc nchin sada dala 16:00–19:00, o cherdan su l 338/2098697.
Atualmenter
Mostra ‘Cosmo’ a Vich
Te scola populèra de Vich l é da poder veder fin ai 23 de aost la mostra »Cosmo - N univers da descorir« endrezèda da la Coprativa sozièla Inout, con chisc oraries: duc i dis da les 15:00 a les 19:00 e de lunesc e de mercol ence da les 20:00 a les 22:00. Per vijita vidèdes chiamèr l nr 331 7959354.
Atualmenter
Matthias Sieff a la Trienala de Bad Ragaz
L cognosciù artist da Ciam­pedel Matthias Sieff tol pèrt con sia gran operes a »Bad RagARTz« la maor esposizion de scultures a l’averta d’Euro­pa, te chesta sia IX edizion dal titol »Presente«. Tel Gies­senpark de la zitadina termala svizera l é operes de 88 artisć. Les resta fora fin a la fin de otober.
Atualmënter
»Raisc« de Markus Moling
Cina ai 04.08. él da odëi tl Istitut Ladin a San Martin la mostra »Raisc« de Markus Moling. Ara é daverta vigni de dales 10:00 ales 12:00 y dales 15:00 ales 19:00.
Atualmënter
Sprotte tl Museum Ladin
Tl Museum Ladin Ciastel de Tor él da odëi cina ai 30.09. la mostra »Siegward Sprotte. Nord süd, la geografia dl’ert«.
Atualmënter
Mostra: »Countdown to mass extinction?«
Le Museum Ladin inviëia da jí a ti ciaré ala mostra speziala »Countdown to mass extinc­tion?«, che é da odëi fina ai 3 de novëmber tl Museum Ciastel de Tor. La mostra se dá jö cun la plü gran estinziun de massa tla storia dla tera, en relaziun cun la crisa clima­tica da sëgn.
Atualmënter
Mostra »Ega« a Corvara
Tl salf dles manifestaziuns da Corvara él da odëi cina ai 9 d’agost na mostra söla tema­tica dl’ega y dles Dolomites. La mostra é daverta dal lönesc ala sabeda dales 8:00 ales 12:00 y dales 15:00 ales 19:00; la domënia dales 9:00 ales 12:00 y dales 16:00 ales 18:00.
02.08.
Mostra »Alta Badia – N ater punt de odüda«
Incö vëndres ai 2 d’agost dales 19:00 él tl Buchladen am Rienz­­tor a Bornech la ver­nissaja dla mostra de foto­grafies »Alta Badia – Anders gesehen«, de Wolfgang Rieger. Al é da Graz y maridé cun na ladina. Sües fotografies descür motifs impreodüs, nia usuai, n’atra odüda dl raiun.
08.08.
Mostra »Introjektion« de Gehard Demetz
L Tublà da Nives te Sëlva nvieia ala giaurida dla mostra »Introjektion« de Gehard Demetz n juebia ai 8 de agost dala 20:00. La mostra resterà da udëi nchin ai 8 de setëmber, uni di dala 16:00–19:00, de merdi, mierculdi y vënderdi nce dala 20:30–22:30. De lunesc iel stlut.

Avisc
Atualmenter
I oraries de Pedies
Pedies vegn moscià sul canal 10 de la televijion, Trentino TV, de sabeda da les 18:00, de domenia da les 13:30 e de lunesc da les 11:30. Con Smart TV sul medemo canal se pel l veder canche se vel orian co la friza en su i sotcanai HBBTV, sot la ousc TML. Duc i video e filmac dac fora dal Comun General e da l’Union di Ladins é da poder veder ence sul canal Tv Ladina de Youtube.
Atualmenter
Pigui Experience te Museo Ladin de Fascia
Te Museo Ladin de Fascia, al priesc de 2 euro apede al biliet de entrèda, se pel tor pèrt al jech »Pigui Experience«, reality game che fèsc cogno­scer l sit archeologich de Ma­zin. Desponibol da la domenia al vender da les 10:00 a les 12:00 e da les 15:00 a les 19:00 con prenotazions sul sit www.istladin.net.
Atualmenter
A spas te la sezions del Museo Ladin
Enscin ai 4 de setember se pel jir a veder la sezions sul teritorie del Museo Ladin e se pel ence tor pèrt al jech »A spas che spas« metan ensema l stempel de duta la sezions per ciapèr n bel don. L’entrèda é debant te dutes, fora che te la Mostra de La Gran Vera a Moena. Maor info e la mapa te Museo Ladin, tel. 0462 760182.
Atualmenter
Bonamans per la enrescida scientifica
Va inant la regoeta del Servije Sozièl CGF e Crousc Checena per didèr la enrescida scien­tifica a troèr neva terapies per salvèr la vita de chi che à na malatia rèra. Vegn uzà fora n apel a duc i fascegn de moscèr sia solidarietà ence demò con un euro, da meter sul cont de Crousc Checena Fascia e Fiem a la FPB Cassa, IBAN: IT 30 T 08140 35780 000002058997.
Atualmenter
Oraries Museo Ladin de Fascia
L Museo Ladin de Fascia é avert enscin ai 10 de setember da la domenia al vender da les 10:00 a les 12:00 e da les 15:00 a les 19:00. De lunesc te chisc oraries l é l’atività per families »Giramuseo« e de mèrtesc da les 17:00 la vijita vidèda su prenotazion. Per gropes se pel ence la domanèr te etres oraries. Info e prenota­zions al 0462.760182.
Atualmenter
I bec su la pedies de la Gran Vera
Per dut istà fin ai 4 de setember de mercol da les 16:00 i ser­vijes educatives del Museo Ladin endreza lo da la mostra La Gran Vera te Navalge a Moena »Caccia alla traccia« per bec dai 8 ai 13 egn. A paa­ment e debant con Fassa Guest Card. Endèna i gregn pel jir ite a veder la mostra a priesc rebassà. Prenotazion de obligh al 0462.760182.
03.08.
La Dolomites de Claude Barbier
En sabeda ai 3 de aost da les 17:00 al Hotel Col di Lana sun Pordoi la giornalista Monica Malfatti prejenta l liber »Dimmi che mi ami. Le Dolomiti di Claudio Barbier« con la conduzion de la giorna­lista Virna Pierobon.
04.08.
Alex Schwazer a Cianacei
En domenia ai 4 de aost da les 21:00 te piaz de Cianacei (se l é burt temp te chino Mar­molèda) enconter con l atlet Alex Schwazer che, con la conduzion del giornalist Gior­gio Pedron, l contarà de sia vita sportiva che é doventà ence n documentarie su Netflix.
05.08.
Emilio Previtali a Poza
En lunesc ai 5 de aost da les 21:15 te Piaz de Comun de Sèn Jan a Poza, per la rassegna »Ad alta voce« rencurèda da Virna Pierobon, scontrèda con l’alpinist e scritor Emilio Previtali che prejenta sie nef liber »La meccanica delle nuvole«.
05.08.
Lia di Filatelisć – ancuntedes
La Lia di Filatelisć, Numis­matics y Vedla Chertes de Gher­dëina se anconta uni prim lunesc dl mëns dala 20:00 tl Bar 2000 a S. Cri­stina, per s’la ciaculé y fé vel’ barat. La proscima ancunteda sarà ai 5 de agost.
06.08.
Inteligenza musicala te Museo Ladin
En mèrtesc ai 6 de aost da les 17:00 te sala Heilmann del Museo Ladin de Fascia Guido Brigadoi e Nicolò Brigadoi prejenta sie liber dal titol »Intelligenza musicale«.
08.08.
Nives Meroi a Cianacei
En jebia ai 8 de aost da les 21:00 per la rassegna »Canazei Campo Base« te Piaz Marconi (se l é burt te Chino Marmo­lèda) l’alpinista Nives Meroi rejonarà de sia ultima spedi­zion tel Nepal.
09.08.
Grasso e Dellai con Ispirazions d’istà
Insnet, vender ai 9 de aost da les 21:15 a La Gran Ciasa a Soraga, tel chèder de la rasse­gna ‘Ispirazions d’istà 2024’ la Comiscion per la cultura de la parochies de Fascia porta dant na scontrèda con Loren­zo Dellai e Giovanni Grasso che rejonarà de ‘La politica él servije?’.

Dotours
Dutor Gherdëina
L dutor de servisc da n sada ai 03.08. dala 08:00 daduman nchin la 08:00 daduman de n lunesc ai 05.08. ie l dutor Pablo Policastro tl ambula­tuere di dutores Kostner/We­ber, a Urtijëi tla streda Tre­binger 10, tel. 366 3646 254.
Doturs Val Badia
Tla fin dl’edema di 3 y 4 d’agost él en sorvisc ti comuns de Badia, Corvara y La Val le dotur Alberto Caretta, Ba­dia, tel. 0471 839706 o 380 3161999. Ti comuns de Mareo y San Martin él en sorvisc le dotur Eduard Agreiter, San Martin de Tor, tel. 0474 523315 o 333 1380852.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 02.08. nchin n vënderdi ai 09.08. ie chëla de Urtijëi, tel. 0471/796125 (orar de giaurida 9.00-12.00/15.00-19.00).
Apoteca Val Badia
L’apoteca en sorvisc fora dl orar ordinar, dal vëndres ai 2 de agost dales 19:00 al vën­dres ai 9 de agost ales 19:00, é chëra da San Martin/Picolin, tel. 0474 523020.