15.11.
IHL Divijion I: HC Gherdëina C vs. HCP Junior Selection
L HC Gherdëina nvieia ala partida contra l HCP Junior Selection, ai 15 de nuvëmber dala 20:30 tl stadio Pranives te Sëlva.
17.11.
FC Gherdëina vs. FC Schenna
La partida de juech al palé de campiunat de Prumozion sarà ai 17 de nuvëmber dala 14:30 tl zënter sportif Mulin da Coi. Ntreda: 7,00 €.
Cursc
Atualmënter
Café dla rujenedes
Tla bibliotech S. Durich a Urtijëi vëniel tenì nchin ai 20 de nuvëmber l café dla rujenedes: de merdi dala 09:30 per franzëus cun Louise y dala 15:00 per spanuel cun Chiara, de mierculdi dala 09:30 per nglëisc cun Nicky. N possa unì zënza se nuté su danora. Na cunescënza de basa ie bënududa.
Atualmënter
Balé per ëiles sëura i 50
L KVW de Urtijëi mët a jì uni lunesc dala 16:30 nchin la 17:30 tla sala de Calonia a Urtijëi ancuntedes de bal y muvimënt per ëiles sëura i 50 ani. La ancuntedes jirà inant nchin ai 02.12.
12 y 13.11.
Cursc da cujiné a Lungiarü
Le KVW da Lungiarü en colaboraziun cun le Consëi de formaziun organisëia dui cursc da cujiné por ëi y ëres, cun Hermann Dapoz. Le pröm curs é ai 12 de novëmber, le secundo ai 13 de novëmber, dagnora dales 19:00, te scora da Lungiarü. Prenotaziuns pro Annamaria al 338 737 5305.
06.12.
Cursc da nodé a La Ila
La US La Ila organisëia cursc da nodé cun Davide Moling y Heinrich Conrater, tla nodadoia da La Ila, dai 6 de dezëmber inant (indöt 7 incuntades, nia tl tëmp da Nadé y Nanü). Al vëgn fat n grup por chi dla elementara y dui grups por chi dla scolina (agn 2019–20). Le cost é de 85,00€ a ce. Iscriziuns sön www.uslaila.it; infos a fitness@uslaila.it
Dotours
Dutor Gherdëina
L dutor de servisc da n sada ai 0911. dala 08:00 daduman nchin la 08:00 daduman de n lunesc ai 11.11. ie la duturëssa Janine Santifaller, che ie da urté tl ambulature dla dr.ssa Cordula Weber a Urtijëi, streda Trebinger 10, tel. 377/3132223.
Doturs Val Badia
Tla fin dl’edema di 9 y 10 de novëmber él en sorvisc ti cin’ comuns dla Val Badia le dotur Guido Caretta, Calfosch, tel. 0471 836870 o 337 616080.
Apoteches
Apoteca Gherdëina
L’apoteca de servisc ora dl orar
View the embedded image gallery online at:
https://www.lausc.it/manifestazions-y-evenc/28224-manifestazions-atuales#sigProId3fa3e414ab
https://www.lausc.it/manifestazions-y-evenc/28224-manifestazions-atuales#sigProId3fa3e414ab
Apoteca Val Badia
L’apoteca en sorvisc fora dl orar ordinar, dal vëndres ai 8 de novëmber dales 19:00 al vëndres ai 15 de novëmber ales 19:00, é chëra da Corvara, tel. 0471 830237.
Referac
15.11.
La Dolomites, da ulà vënieles pa?
La Lia da Mont de Gherdëina mët a jì na sëira cun l geologh Corrado Morelli, n vënderdi ai 15 de nuvëmber dala 19:30 tla Cësa di Cungresc a Urtijëi.
19.11.
Omeopatia por mituns
La uniun dles families KFS da San Martin mët a jí na serada cun Alexander Kirchler, sot al titul »Omeopatia por mituns«. An s’incunta en mertesc ai 19 de novëmber dales 19:30, tl salf dl Istitut Ladin a San Martin de Tor.
Temp Lede
08.11.
Storia de 15 menuc y ancunteda cun l autëur
Tla biblioteca de San Durich a Urtijëi vëniel liet dant dal autëur Benjamin Aster l liber »Eine Geschichte vom Anders sein –Giraffe Shorty«, ncuei, vënderdi ai 8 de nuvëmber dala 15:00.
12.11.
Stories, jüc y pastelné te biblioteca
La biblioteca a San Martin inviëia ite mitans y mituns dla scora elementara a n domisdé de stories, de jüc y de pastelné, en mertesc ai 12 de novëmber. L’ativité scomenciará dales 15:00.
12. y 14.11.
Decurazion da Nadel per granc
Tl self dl Teater de S. Cristina mët l KVW a jì na sëira ntan chëla che n fajerà decorazions da Nadel cun la referënta Sonia Demetz, n merdi ai 12 de nuvëmber y n juebia ai 14 de nuvëmber, for dala 20:00. Cost: 65,00 euro (l material ie bele laite tl priesc).
14.11.
La Ila: domisdé cun jüc da mësa
Le pulmin di jüc dl »Spieleverein Dinx« storj pro en jöbia ai 14 de novëmber dales 15:30 ales 17:30 a La Ila. Te biblioteca pó pici y gragn passé n domisdé cun na gran cerna de jüc da mësa. N espert dá consëis y spliga les regoles. Al é ince la poscibilité da s’impresté fora jüc.
15.11. y 18.11.
Prejentazions: Nosc prim gran liber dl Avënt
La Union di Ladins de Gherdëina nvieia de cuer a la prejentazion dl liber nuef »Nosc prim gran liber dl Avënt«, n vënderdi ai 15 de nuvëmber dala 16:00 tla biblioteca dla Cësa di Ladins a Urtijëi y n lunesc ai 18.11. dala 16:00 tla biblioteca »Oswald von Wolkenstein« te Sëlva. N prëia bel de se to pea n got da cësa.
Religion
16.11.
»Jesus, Kids & Teens«
A duc i mutons y jëuni, dala terza elementera inant y duc chëi dla mesana! Da nëus ëis la puscibltà de viver l crëidum deberieda te na cumunità. Fajeron de biei workshop, adurazions, l sarà nce aurela curta cun devertimënt y muvimënt, chiet y reflescion, referac nteressanc. Te sala dla Schiera Junila te calonia de Sëlva, dala 16:00-17:30.
Sozial
Atualmënter
Picolin: portina por l’assistënza y cura
La Portina por l’assistënza y cura é daverta trëi iadi al’edema: le lönesc dales 14:00 ales 16:00, le mercui y la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun soziosanitar a Picolin, tl’alzada a tera sön la man ciampa. Chiló vëgnel dé informaziuns y sostëgn por les chestiuns che reverda le guern y l’assistënza.
Atualmënter
Ciamena dal guant a La Ila
La Ciamena dal guant »Neores« a La Ila é daverta vigni vëndres dales 14:00 ales 15:30. An pó dé jö guant y cialzá nia roviná y nëc por mituns da 0 a 14 agn, sciöche ince tasces da scora, elms da jí cun la roda, panolins. An pó spo se tó ci che an adora, por na spënora de 1,00€ por vigni toch – che vá a fin de bëgn.
Atualmënter
»Club Boé«
Le grup de autoaiüt »Club Boé« por problems de alcol o d’atres dependënzes s’incunta vigni mertesc dales 20:00, tla Ciasa di Stüdafüch a La Ila altaite. Les porsones de referimënt é Hubert (tel. 339 1698343) y Methilde (tel. 335 6977604).
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani de Gherdëina a se nuzé de chësc servisc che vën pità uni merdi dala 12:00 ti trëi luesc de Gherdëina (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 320 7234396 (Vinzenz), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).
08.11.
Deberieda:
View the embedded image gallery online at:
https://www.lausc.it/manifestazions-y-evenc/28224-manifestazions-atuales#sigProId3fa3e414ab
https://www.lausc.it/manifestazions-y-evenc/28224-manifestazions-atuales#sigProId3fa3e414ab
La grupa »Deberieda«, na grupa per se ancunté danter persones che à problems psichics o de sozialisazion cun ulenteres, nvieia a na festa ulache n puderà sté n cumpania pra n bon toch de pizza. N se anconta n vënderdi ai 8 de nuvëmber dala 14:00 dan la Cësa de Paussa a Urtijëi.
11.–18.11.
Nadel te na scatula dai ciauzei
Nce chëst ann vëniel metù a jì l’azion per ti purté mpue de legrëza a mutons de paejes pueresc. N possa dé ju i pachetli tla biblioteches de Gherdëina dai 11 nchin ai 18 de nuvëmber. N possa mplenì una o nce de plu scatules cun de pitla scincundes, scrijan sun na eticheta sce l ie per n mut o na muta y per ciuna età: 2-4 ani, 5-9 ani o 10-14 ani. Adatà fóssel a les mplenì cun n mescedoz danter roba per scola, de igiena, velch da guant. Sambën ie zeche da se tripé for bënudù. Sun i julantins o sot a www.weihn achten-im-schuhkarton.org iel da abiné cunsëies n chësc cont.
22.11.
Deberieda: Jita a Tluses
La grupa »Deberieda«, na grupa per se ancunté danter persones che à problems psichics o de sozialisazion cun ulenteres, mët a jì na jita a Tluses. N se anconta n vënderdi ai 22 de nuvëmber dala 14:00 dan la Cësa de Paussa a Urtijëi.
Mujiga
09.11.
Musega a La Grenz
En sabeda ai 9 de november da les 21:30 a La Grenz, te strada Saslonch 56 a Moena, vegn endrezà l conzert de Matteo Mandanici, ousc e chitara. L ciantautor porta dant musega folk e bluegrass.
10.11.
Cunzert de Santa Zezilia dla Mujiga de Sëlva
La Mujiga de Sëlva nvieia al cunzert tradiziunel de Santa Zezilia, n dumënia ai 10.11. dala 10:45 tla Cësa de Cultura »Oswald von Wolkenstein« te Sëlva.
18.11.
Conzert de pesc »Hagios« cun Helge Bruggrabe
En lönesc ai 18.11. dales 19:30 él te dlijia da Gargazon le conzert de pesc »Hagios«, sot la direziun de Helge Burggrabe. Ara se trata de n proiet da cianté adöm, che vá dal chît contemplatif al cianté sterch y a plü usc. Al vëgn cianté cianties cörtes y saurides dal »HAGIOS-Liederzyklus«, che porta inant te na manira inovativa la vedla tradiziun dl cianté di convënc y comunités sciöche Taizé. Materiai sön https://hagios.net – entrada lëdia.
Teater
14.11.
»Fine pena ora«
En jebia ai 14 de november da les 20:45 al Chino Teater de Tieser, la compagnia Tedacà e l Teatro Stabile di Torino-Teatro Nazionale i met dant la raprejentazion »Fine pena ora« dal test de Elio Fassone che conta na storia vera.
Atualmënter
Teater Urtijëi: »Tuesse y zandli«
La Lia Teater de Urtijëi nvieia de cuer ala reprejentazions dl pez »Tuesse y zandli« de Joseph Kesselring, sot ala regia de Marlis Moroder y Luis Mahlknecht. La prima reprejentazion ie ncuei, ai 8 de nuvëmber dala 20:00 tla Cësa di Cungresc a Urtijëi. Daldò saràl mo cater reprejentazions, ai 12, 14, 15 de nuvëmber, for dala 20:00 y ai 17 de nuvëmber dala 18:00. Chertes danora: theatergro eden.com/tickets o cherdan su l 389 6767333.
08.11. – 10.11.
Teater a La Ila
L’Uniun Teater La Ila presentëia le teater da rí »Lüch Col Plat«, sot la rejia de Erika Castlunger. Ultimes rapresentaziuns: incö vëndres ai 8 y en doman sabeda ai 9 de novëmber dales 20:30, en domënia ai 10.11. dales 17:00, dagnora tla Ciasa de Cultura a La Ila. Prenotaziuns al numer 333 2525740.
Chino
Atualmenter
Al chino de Tieser
Insnet, vender ai 8 de november da les 21:15, sabeda ai 9 da les 17:00 e da les 21:15 e domenia ai 10 da les 20:30 l é l film de azion e aventura »Uno rosso«. Program su www.cinematesero.com.
Atualmënter
Literakino
Tla biblioteca de San Durich vëniel inò metù a jì la sëires de films »Literakino«, ncuei, vënderdi ai 8 de nuvëmber y nce proscimo vënderdi, ai 15 de nuvëmber, for dala 20:00. L program plu avisa di films che unirà mustrei ie da udëi te bibliotech, ulache l ie nce julantins da pudëi se tò pea.
Mostres y Ert
Atualmënter
Mostra »De blòc y de ntorc«
Tl Café Surëdl a Urtijëi vëniel metù ora na mostra dal titul »De blòc y de ntorc«, cun chedri de Erich Mussner, Livio Comploi, Flavio Prinoth y Georg Demetz. La mostra sarà da udëi ntan i orares de giaurida, dal lunesc nchin al vënderdi, 09:00–19:00.
Atualmënter
Mostra Zone d’Ombra
L Circolo – Lia Mostra d’Ert nvieia a unì a ti cialé ala mostra de Johanna Fink y Michele Azzalini. La giaurida sarà ncuei, ai 25 de utober dala 20:00 tl self dla mostres dla Lia Mostra d’Ert. La mostra resterà da udëi nchin ai 17 de nuvëmber: merdi – dumënia, 16:00-19:00 y de sada y dumënia nce danmesdi, 10:00–12:00.
Atualmënter
»The
View the embedded image gallery online at:
https://www.lausc.it/manifestazions-y-evenc/28224-manifestazions-atuales#sigProId3fa3e414ab
https://www.lausc.it/manifestazions-y-evenc/28224-manifestazions-atuales#sigProId3fa3e414ab
Tl Tublà da Nives te Sëlva iel metù ora na mostra de fotografies de Giancarlo Lamonaca, che resta davierta nchin ai 10 de nuvëmber uni di ora dl lunesc dala 15.00 ala 18.00.
09.11 – 15.11.
San Ciascian: mostra y presentaziun
L’Istitut Ladin »Micurá de Rü« inviëia ala daurida dla mostra de fotografies vedles, en doman sabeda ai 9 de novëmber dales 15:00, tla Ciasa J. B. Rinna a San Ciascian. La mostra é daverta dai 10 ai 15 de novëmber dales 10:00 ales 12:00 y dales 14:00 ales 18:00. En vëndres ai 15.11. dales 17:00 él ince la presentaziun dl liber »I ladini fra tedeschi e italiani«, de Luciana Palla.
Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
12.11.
Df: dut feminin – »CARE cura y assistënza«
Dales 20:50 ca. La prufescions de cura y assistënza – les ie damat mpurtantes per nosta sozietà, purempò ne godeles nia dl recunescimënt che les meritëssa y dl paiamënt che fossa de bujën. Y dantaldut ieles ncuei sciche inier fërmes tla mans dl’ëiles. Program de Laura Moroder, a cura de Anna Mazzel.
13.11.
Natura e ambient: Musees de la Gran Vera te Fascia
Dales 20:50 ca. Te Fascia l é adertura cinch musees che recorda i egn riesc e senestres di combatimentc de la Gran Vera. Dal Jouf de Pordoi a Fedaa, a Dèlba, Someda e Moena privac, sociazions e istituzions se à durà la fadia de tor su i reperc ti lesc de vera e i meter a la leta de la jent. Program de Luciana Detomas, a cura de Anna Mazzel.
14.11.
Eie e spieie – Colun marketing per n nef turism?
Dales 20:50 ca. Te chissc ultimes tempes canche se rejona de turism sauta ite de spes ence aspec che revèrda l marketing e la comunicazion. Ei pa chisc elemenc che é de fazion per slarièr fora i valores de nosc raion? Te la neva puntata de Eie e Spieie jon vindedò la coltrines de chest aspet e sention cheche disc i profescionisc che laora te chest setor. Program de Cinzia Pistoia, a cura de Anna Mazzel.
Radio
Atualmënter
Ladinia Live
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
Atualmënter
Dai Crëps dl Sela
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
08.11.
La »Stua« di seniores te Sëlva à cumplì 15 ani
Dales 19:05-19:30. L ie da avisa 15 ani cà che te Sëlva iel a disposizion la »Stua« di seniores, te Calonia basite. Tlo se ancontel uni mierculdi truepa jënt plu de tëmp de Sëlva per n domesdi de aurela curta. Te »Stua« se n stan drët saurì y oradechël vëniel nce metù a jì festes y d’autra manifestazions. Trasmiscion de Georg Mussner.
09.11.
Momënc de vita – intervista a Monica Costa
Dales 19:05. Monica Costa é nasciüda sön lüch da paur a Lungiarü, bele dër da jona éra jüda a lauré tl nord dla Germania, olache ara é stada 11 agn alalungia. Canche ara é gnüda zoruch s’ára tosc maridé y á albü 2 mituns. Monica nes cunta de süa vita y dantadöt de süa ativité de volontariat y dl tëmp che ara á dediché al’uniun dles vëdues y vëdui dla Val Badia. N program de Erika Castlunger.
12.11.
La Bibia por i mituns y i mituns tla Bibia
Dales 13:45. Te chësc program presënta l’assistënt spiritual por les families Siur Tone Fiung, na publicaziun nöia: na Bibia por mitus traslatada tl ladin mareo da Franz Rigo. Le liber nü devënta ince n spunt por fá na reflesciun por sura la posiziun di mituns tla Bibia y por baié dl insegnamënt dla Parora a nüsc mëndri. N program de Sara Frenner.
13.11.
Tia idees per i 50 egn del Istitut Ladin de Fascia
Dales 13:45. En previjion de la Gran Radunanza del Istitut ai 22 de november duta la jent vegn envièda a manèr ite idees e conscidrazions sun coche ge saessa bel che chest cedean vegne recordà e festejà. Na scomenzadiva neva che pea via chisc dis col tor su proponetes tres n formulèr per endrezèr adum i 50 egn del Istitut. En rejonon con Sabrina Rasom diretora de l’Istitut Cultural Ladin de Fascia, conduzion Anna Mazzel.
13.11.
Jent da zacan: Mario Marmolada, n spirit ledech
Dales 19:05. Cognosciù da duc desche Mario Marmolada Mario Iori à ret l refuge Castiglioni sun Fedaa enscin al 1971 olache l’à cognosciù muie de jent: menacrepes, artisc, scritores e atores da dut l mond. N om mingol zavareousc, n spirit ledech che à viajà trop ma l’aea n eie critich su la sozietà e l svilup turistich te nos raion. Program de Anna Mazzel e Anelise Vian.
14.11.
40 agn Ciasa dla familia söl Ritten
Dales 19:05. La strotöra soziala »Haus der Familie« a Lichtenstern sura Balsan, pîta oramai da 40 agn n post olache mituns, mitans, families, pers y jënt de tëmp se tira zoruch por se gode n tëmp plajor, de reflesciun, de incuntada, de formaziun y cotan lapró. Ti agn se á chësta strotöra mudé y svilupé cotan. Siur Tone Fiung, acompagnadú spiritual de chësta strotöra, nes cunta. N program de Sara Frenner.
Avisc
Atualmënter
»Diggy-Treff« ancuntedes digiteles
Ëis’a dumandes n con’ de vosc computer, de programs o per la nstalazion de na software? Tulëde pea vosc fonin, tablet o laptop y unide te biblioteca Oswald von Wolkenstein te Sëlva. N duman, sada ai 9 de nuvëmber dala 09:00–12:00, sarà l espert Werner Messner iló a ve judé. L servisc ie debant y n ne à nia drë’ de se lascé nuté su. Metù a jì dal KVW Sëlva.
Atualmenter
I oraries de Pedies
Se pel veder Pedies sul canal 10 de la televijion Trentino TV, de sabeda da les 18:00 , de domenia da les 13:30 e de lunesc da les 11:30. Con Smart TV sul medemo canal l é semper a la leta orian co la friza en su i sotcanai HBBTV, sot la ousc TML. Duc i video e filmac dac fora dal Comun General é ence sul canal Tv Ladina de Youtube.
Uni lunesc
La Coa: ancuntedes per genitores
Uni lunesc dala 09:30 nchin la 11:00 puderàn se ancunté tl local Matada a Urtijëi per sté deberieda danter mutons:ans, mamis y tatis y chi che deventerà tosc genitor. Sëuraprò saràl l mesun de damandé cunsëies ala espertes Karin Planker y Linda Faconti. L cost ie de 5€ per cumëmbri dla Lia Gaia.c
13.11.
Apuntamenc de la biblioteca de Cianacei
La biblioteca de Cianacei met endò a jir la rassegna de scontrèdes per cognoscer da vejin persones e fac de noscia tera. L secont apuntament l é en mercol ai 13 de november da les 18:00 te sala de Consei de Cianacei con »50 egn de storia de Crousc Biencia« con la presidenta Linda Debertol e vèlch fondador. Vegnarà moscià l documentarie metù ensema per l cedean con marindel de la Coprativa Oltre.
17.11.
Stories e festa col Grop Ladin
En domenia ai 17 de november da les 16:00 te sala Simon Maza de la scoles de Moena l Grop Ladin, ensema a l’Union di Ladins, endreza n moment per si sozi: vegnarà portà dant l numer spezial de Nosha Jent »Storia de amor e de fadie« de Isabella Iellici da Penia e rejonarà Olimpia Rasom e Christian Bernard, a la fin sarà n picol marendel.
