La Usc di Ladins

Con la daurida de chesta strutura met man ence per la unibz n capitul nuef. Atualmenter cumpeden tl NOI Techpark de Bulsan 13 laborators con 150 enrescidoures y enrescidours. A chisc s’enjonta segn ence l ram de produzion sostenibla, che giatarà sia lerch te laborators y aules dl NOI Techpark a Bornech. Sot la direzion dl professour convenzioné Erwin Rauch vegniràl laoré y enrescì sun cater temesc fondamentai: l’economia zircolara tla produzion; efizienza tles ressorses y produzion "zero–waste" (zenza refodam); la decarbonisazion y fabrics ecointeligentes; produzion eticamenter y sozialmenter sostenibla. L plù saorì é vegnì de persona a se fé n cheder.