Da plü agn proa assoziaziuns turistiches, dantadöt tl Südtirol, da arlungé la sajun turistica da d’isté cun tigní hotí y restoranc daverc y sorvisc de autobusc y implanc portamunt en funziun. Chësc, cun rajun, ajache i odun che le mëis de setëmber é ciamó dër gonot cialdin y manco trafiché sön strada y sö por munt.
Ci che ne vá indere daldöt nia bun, o ma en pert bun, é les desvalianzes de daurida de üties da munt y lifc tl medem raiun dles Dolomites incër le Sela. I retlamisun nüsc crëps y les »vies altes dolomitiches«, mo i ne sun nia bogn da acordé i orars por n mëis?! Dan otedé cun chël bel tëmp tler y ciamó de setëmber, á tröpa jënt messü contasté che fá la »Alta Via Dolomites nr. 2« söla trassa dal ju de Pordú demez, foss stada na aventöra incompra, deache ma plü dër püces üties â davert y dê alberch ai escurjionisć de nöt, y le sorvisc dles corieres publiches ê bele tla palsa da d’invern! Ci fá spo? Tröc rová a pe da Pordú ca sön Fedaa (olache almanco öna na ütia tin davert cina ai pröms de novëmber) o te Contrin (olache la ütia á almanco albü davert cina al 1. de otober) á dit »chiló ne sunse nia plü te Südtirol«, don sö l’aodanza da fá inant la »Alta Via« cina Feltre.
Deplù te la edizion dl vender, 6 de otober.
|