La Usc di Ladins

Ai 27 de juni ie l prim ntervënt tla Ladinia stat dala 15:59, per un dal motor frit ora de streda sun Jëuf de Frea. L joler dl Aiut Alpin ie riesc stat iló. L dutor à medià l pazient, che ne se ova per fertuna nia fat scialdi. L ie unì menà cun l joler tl spedel de Bulsan.
Ai 28 de juni àn cherdà l joler ntëur la 13:15 pra na utia da mont sëura Antermëia, ulache n ël ova n gran mel de vënter y ne se n stajova nia bën. Do la prima cures l àn menà tl spedel de Burnech.
Dala 14:15 iesen julei de viers de Piz Setëur, ulache un dala roda fova tumà. Do la prima vijita y la prima cures àn menà l pazient cun n trauma al cë y politrauma tl spedel de Bulsan.
Riesc do à i Judacrëp de Gher­dëina damandà do l joler pra la utia Panorama sun Dantercëpies, ulache n’ëila ova abù n atach de granfs. I judacrëp la à medieda y la ie pona unida ciarieda tl joler y meneda tl spedel de Persenon.

De plu tla edizion stampeda de La Usc di Ladins o sun l e-paper a paiament www.lausc.it/e-paper