La Usc di Ladins

Ai 2 de lugio ie l joler unì cherdà a San Ciascian, ulache n’ambulanza menova adalerch n jëunn dl luech per na terapia contra l mel. Daldò l àn menà cun l joler tl spedel de Persenon.
Daldò iesen julei a La Val pra na utia ulache n ël dl luech fova tumà cun la roda da mont, se fajan mel al cë. Do la prima cures iesen julei limpea tl spedel de Bulsan.
Nia scialdi do à na ambulanza menà adalerch n’ëila cun n problem saniter, che n à ciarià tl joler y menà a Persenon.
Dala 20:30 àn mo cherdà l joler per n’emergënza a San Ciascian–do la prima cures da pert di uemes dl Aiut Alpin y dla Crëusc Blancia àn menà l pazient a Bulsan te spedel.
Ai 3 de lugio ntëur la 16:00 iesen unic cherdei sun sciorta dl Lagazuoi, per n ël che ova n atach de panich. L dutor l à medià y l ie unì menà a Burnech te spedel.
Ai 4 de lugio dala 08:00 à la zen­trela de Bulsan mandà l joler cueciun sa la Utia Puez, per jì a to n’ëila che se ova fat mel al jenodl bele l di dant. Do che l dutor ti ova cialà, iesen julei limpea tl spedel de Persenon.

De plu tla edizion stampeda de La Usc di Ladins o sun l e-paper a paiament www.lausc.it/e-paper