La Usc di Ladins

Ai 5 de agost à la zentrela cherdà l joler per n ntervënt sun l troi Schuster sun Sasplat, ulache n’ëila taliana ne se sentiva nia bën y ne fova nia plu bona de jì inant. Davia che la pazienta fova te n post scialdi ërt àn messù la tré tl joler cun na binda de 50 metri, per julé pona limpea tl spedel de Persenon.
Daldò àn mo fat n ntervënt pra la utia Fanes tla Val Badia: n’ëila se ova fat mel al spinel sautan sun n trampolin. Do che l dutor ti à dat zeche contra l mel iesen julei limpea tl spedel de Bulsan.
Ai 6 de agost àn cherdà l joler cueciun a Corvara per n ël che fova tumà y se ova fat mel. L ie unì menà cun l joler tl spedel de Burnech.
Dala 11:00 iesen pona julei a Colfosch ulache n jëunn fova tumà ju a fé basejump. Purtruep ne àn plu pudù fé nia auter che cunstaté la mort dl jëunn. Deberieda ai Judacrëp dl’Alta Badia àn trat su l corp cun da binda de doi iedesc 90 metri y na corda fisa de 100 metri.

De plu tla edizion stampeda de La Usc di Ladins o sun l e-paper a paiament www.lausc.it/e-paper