La Usc di Ladins

Anché, en jebia ai 17, e doman, en vender ai 18 de dezember, l Ski Stadium Aloch tel Comun de Sèn Jan ge dèsc alberch a doi slalom de ic de Copa Europa. Jà da vèlch dì Aloch l’é stat la paladina di arcedament de l’élite del schi nazionèl e internazionèl. Anter duc i atlec l’é ence i ladins Vinatzer, Moelgg, Ploner, Kastlunger e i fascegn Stefano Gross e Federico Liberatore.

Chest ultim, te la pruma manche, stata anché dadoman a partir da les diesc, l’é stat bon de se vadagnèr la terza piaza, arjonta a 1’’03 dal prum sciaier del todesch Sebastian Holzmann.

Se speta donca la seconda manche de anché domesdì, da la una. 

Doman enveze se jirà inant con autra doi manche per l Trofeo “Elke Pastore”, con i medemi oraries. La gara de doman domesdì la vegn manèda fora da mesa les cater su RAI SPORT.

A cajon de la grieva situazion sanitèra, l publich no pel tor pèrt.  (Nicoletta Riz)