La Usc di Ladins

A Bornech él sté tratan l'ultima findledema i campionac provinziai de beachvolley. L'US La Ila á tut pert cun 14 scuadres che á soghé la sabeda y la domënia tles categories desvalies. La sabeda s'á sfidé sön le saurun les mitans dl U16. Maja y Nadine Valentini é rovades prömes y á insciö concuisté le titul de campionësses provinziales. Al 5. post s'á plazé Marika Frenademez cun Barbara Miribung y al 9. post é rovades Alessia Piccolruaz cun Alissa Rubatscher.

Terzo post por Nadine y Sofia
Le de do se á spo afronté les categories U12, U14 y U16. Ales partides dla domënia á l'US La Ila tut pert cun indöt 9 scuadres. Les mius é stades Nadine Valentini cun Sofia Rudiferia che á arjunt le terzo post tla categoria U14. Giulia Pescollderungg y Lena Irsara, Ailin Rubatscher y Angelika Frenademez, Daisy Valentini y Sofia Alfreider á stlüt jö le campionat al 9. post. Tla categoria U18 se á plazé Marika Frenademez y Maja Valentini al 5. post. Cun les finales da Bornech é rová a piz i campionac provinziai de beachvolley. L'ultimo apuntamënt por les atletes dl'US La Ila sará ala fin d'agost a Caorle, olache ares jará a desfiré le campionat talian U16.   (kp)