La Usc di Ladins

Ponté demez da Moena en sabeda ai 2 de setember da mese les cinch domesdì passa mile coridores, col soreie che ge enlumenèa l vis, i à passà fora duta la val de Fiem, engaissé dal gran publich enlongia strèda. 

Chi che à fat la mesa maratona se à fermà a Masi e i più ardii à corì duc i 26 chilometres fin fora Ciavaleis. Anter ic la venta é jita ai coridores kenians, nience da dir, i é stac i più asvelc tant te la mesa maratona che te la running. A ciapèr la gherlanda de orèr al travert de Ciavaleis, da la neva Soreghina Nathalie Zancanella, l é stat Eric Riungu col temp de 1h23’36’’, tedò da el n auter kenian, Elvis Kipkoech, e sul terzo sciaier l é ruà Michael Hofer de l’Asv Deutschnofen, che ensema a Peter Lanzinger, ruà 4°, ge é stac taché ai prumes a do a do. 

De più, coi resultac miores di atlec fascegn, su La Usc stampèda de vender ai 8 de setember.   (Monica Cigolla)