La Usc di Ladins

Chësc ultim fin dl'ena, n sada ai 30 de setëmber, à de plu atletc y atletes ladines tëut pert ala garejeda "Delicious Trail Dolomiti" a Cortina d’Ampëz. Chësta manifestazion de sauté da mont su vëija dant na garejeda de 43 km che pëia via da Cortina, una de 35 km da La Ila y una de 22 km da Pocol demez. L vën sautà sun i plu biei troies dla Dolomites, danter Ampëz, l Nuvolau, l Lagazuoi, Pralongià y l Jëuf de Falzares . De ndut à chëst ann tëut pert 1.378 atlec y atletes da 25 nazions ala garejedes via n Ampëz y tla val Badia.

Luca Pescollderungg da La Ila se à batù drët bën sun la trassa longia. Ti prims 10 km fòvel danora, deberieda cun Michele Meridiode che à pona nce venciù la garejeda cun n tëmp de 4:33:37. Ala fin dla finedes ie Luca ruvà segondo, sautan i 43 km y 3.100 metri de deslivel te 4:40:22; n bon resultat per l atlet ladin. Pra l'ëiles à Sophie Maschi venciù la garejeda sun i 43 km cun n tëmp de 5:45:20.

L articul ie da liejer tla edizion che vën de La Usc di Ladins

Elisabeth Kostner