La Usc di Ladins

La sajon de la rodes da mont fascènes é jita inant te la val Rendena. Do la prejenza a la Sudtirol Hero de Gherdena, l Fascia Bike Racing Team à metù sui troes si atlec te na neva proa coreta en domenia ai 29 de jugn da Pinzolo: la diejema edizion de la Dolomitica Brenta Bike. N cedean emportant per la corsa trentina, che à vedù tor pèrt per l’ocajion beleche 800 atlec spartii te doi proponetes de gara. Na corsa più curta de 41 chilometres sui 1400 metres de dislivel positif, e una più longia per n total de 67 chilometres e 2400 metres de dislivel.
L atlet del Fascia Bike Racing Team, Manuel Verra l é stat enveze bon de se vadagnèr la 2^ piaza assoluta ruan 1 menut e mez do l venjidor assolut e l se à vadagnà la medaa de or te la categoria M2.

De più su La Usc stampèda de en vender ai 12 de messèl.  (Daniele Verra)